Chapter 88

"HI! Kumusta na? Balita ko'y malapit ka nang lumaya." Malaki ang ngiting nakapaskil sa labi ni Gwen habang kaharap ang isa sa nagligtas sa kaniya.

"Oo nga, eh. Excited ako na kinakabahan. Baka hindi ako tanggapin ng mga tao sa labas."

"Don't mind others. Sabi ni Mommy, bibigyan ka ng trabaho sa kompanya kapag nakalabas ka na. At isa pa, saglit ka lang namang nakulong."

Hindi likas na masama si Vic, napilitan lang itong sumama dahil tulad niya, ginipit din ito ng mga De Castro. Napangiti siya sa lalaking kaharap. Sang-ayon din naman si Sylvia sa maagang paglabas nito. Nagpasalamat pa nga ang ginang dahil hindi siya nito pinabayaan. Inalagaan siya nito nang nasa poder pa siya nito. Bagama't ibang pagkatao ang ipinakilala sa kaniya, alam niyang para maprotektahan lang siya kaya nito ginawa 'yon. Malaki ang utang na loob niya rito at habambuhay niyang tatanawin 'yon sa mag-ina.

Napahinga ng malalim si Vic. "Thank you. Kundi dahil sa iyo, baka'y abutin ako rito ng taon," anito na g