Chapter 89

MARAHANG bumubukas ang pinto. Malamlam man ang ilaw na nagmumula sa lampshade, pero hindi iyon hadlang para hindi matunton ang nais na makita. Saglit pa ay tuluyan nang pumasok ang taong nakadungaw. Dumiretso sa tapat ng higaan. Dumukwang sa babaing nakahiga. Lumapat ang labi sa noo nito. Gumuhit ang matamis na ngiti sa labi kasabay ang mainit na paghaplos sa pisngi nito. Nakita niya ang kaniyang picture, yakap ng babaing himbing na himbing.

"I've missed you so much, baby!"

Mahinang ungol ang tugon ng babaing nakahiga hanggang sa unti-unting nagmulat ang mata nito. "S-sweetheart..." Mabilis itong bumangon at niyakap siya ng buong higpit. "You're here! Bakit hindi ka nagpasabi na uuwi ka na? Nasundo sana kita."

"Alam mong iyan ang pinakaayaw ko, ang magbyahe ka. Ayaw kong napapagod ka," kunwaring sermon nito.

Idinikit niya ang mukha sa balikat nito, bahagya pang kinagat iyon sa paraang alam niyang hindi masasaktan ang asawa. Saka ay ibinaling ang labi sa leeg at masuyong hinagkan-hagka