Chapter 81

DINIG na dinig ni Gian ang record na usapan ni Mr. De Castro at Zabrina. Sa bawat katagang naririnig ay lalong nadaragdagan ang galit niya para sa mag-ama. Lalo na nang marinig na ang dalawa ay may pakana kung bakit ito naaksidente. Nagngangalit ang ngipin niya. Umaapoy din ang mata sa sobrang galit.

Napipilan ang mag-ama habang nagpi-play ang record voice. Naagaw lang ang pansin ng lahat nang tumunog ang cellphone ni Mr. De Castro. Doon na lumapit si Francis.

"Give me your mobile, Mr. De Castro."

"What if I don't?"

Ngumisi ito. "Wala ka sa posisyon para magmataas pa. Much better na makipag-cooperate ka na lang sa akin, baka sakaling bumaba pa ang ihahatol ko sa iyo." Sapilitan nitong kinuha ang cellphone na patuloy ang pagtunog. At nang makuha ay... "Larry," basa nito sa pangalang lumalabas sa screen. "Kausapin mo, Mr. De Castro!" Pinindot nito ang answer at in-loudspeaker pa.

"Hello, Bossing! Nasaan ka na ba? Kaninang-kanina pa kami naiinip sa pagbabantay dito. Akala ko ba'y