Chapter 86

HALOS sabay-sabay silang napabaling sa pinanggalingan ng tinig. Nakita niyang nakatayo ang isang lalaki na may hawak na baril. Hindi niya ito kilala, pero nakasisigurado siya, ililigtas siya nito. Sana lang ay umayon sa kanila ang tadhana.

"Ibaba niyo mga baril niyo!" sigaw ng lalaki.

Pansin niya ang pagngisi ni Larry. "Tinatakot mo ba kami?"

Kahit may kalayuan ang lalaki ay pansin niya ang pagtalim ng mata nito. Mula sa gilid ng ay lumabas ang isa pang lalaki... si Gian.

"Baby..."

"Gian..." Hindi niya napigilan ang paghikbi nang makita ang asawa. Nababanaag niya ang matinding takot at galit nito. And she missed him.

"Shit ka, Gian! Hindi ba't ang sabi ko ay sa kotse ka lamang. Ang tigas talaga ng ulo mo!" Narinig niyang sambit ng lalaking may hawak na baril, nilingon pa nito ang kaniyang asawa.

Nagpapalit-palit ang tingin niya sa dalawa hanggang sa naramdaman niya ang paghawak ng sinuman sa kaniyang leeg. Kasabay ng pagdait ng braso sa leeg, ang pagtutok ng baril sa ulo