Chapter 83

Napanganga si Gian sa pamilyar na tinig na nagsalita sa kabilang linya. Hinding-hindi siya maaaring magkamali.

"R-Rachel? Is that you?"

"Mabuti naman at kilala mo pa ako. Do you miss me, babe?" maarteng sabi ng nasa kabilang linya.

"Ha**p ka!" Hindi niya napigilan ang mapasigaw sa galit. Umalingawngaw pa ang boses niya sa buong silid. "Huwag na huwag kang magkakamaling saktan kahit dulo ng kuko ng asawa ko, Rachel--" Naputol ang iba pa niyang sasabihin nang humalakhak ito.

"Why, Gian? Hindi ba dati ay gustong-gusto mong pinapasakitan si Gwen, bakit ngayo'y parang nag-iba ang ihip ng hangin? Mahal mo ba siya? Are you sure of that?" Muli itong humalakhak.

Muling nagkiskisan ang mga ngipin niya. Nagsalubong din ang kilay niya at tumalim ang titig sa kawalan. Alam niyang inaasar lang siya nito. "Ibibigay ko ang hinihingi niyo, just promise me na hinding-hindi niyo sasaktan ang aking asawa at ang aming anak." Wala na siyang pakialam sa pera, ang kailangan niya ay ang kaligtasan n