CHAPTER 3

RHEA’s

NILALAMIG na inabot ko ang pindutan ng electric fan para sana patayin pero wala akong makapa kahit anong gawin ko. Inis na minulat ko ang aking mata kahit pa na inaantok ako at bumangon pero laking gulat ko na lang nang mapansing wala ako sa apartment.

Dali-dali akong umupo mula sa aking pagkakahiga sa kama habang inisip ang mga kaganapan kahapon. Oo nga pala, muntik na akong magpakamatay pero sa kamalas-malasan bigla pa akong nawalan ng malay. Mukhang hindi ko pa talaga panahon para mawala sa mundo. Masyado akong na-overwhelm ng emotions ko dahil sa mga bad news.

"Teka! Nasaan ako?" Naguguluhang tanong ko sa sarili ko nang mapansing hindi pamilyar ang paligid. Parang baliw lang no? Pero ganito talaga ako kapag nine-nerbyos.

Tatayo na sana ako sa kama pero laking gulat ko nang makita ko ang aking sarili na naka-Bra at Panty lang. "Kyah! Sinong naghubad sa akin? May n-nangyari b-ba?" Sigaw ko pero syempre sa isip lang. Mahirap na at baka nandito pa rin ang ponsyong pilato na manyakis...Ah basta!

Tuluyan akong tumayo sa kama habang balot-balot ang kumot sa aking katawan. Lumapit ako sa isang picture frame na napansin ko kanina. Nakapatong ito sa isang lamesita malapit sa isang pintuan. Tama nga ako ng hinala. Isa itong family picture ng isang masaya at kumpletong pamilya. Hindi ko naman mapigilang makaramdam ng inggit habang pinagmamasdan ang larawan nila. Bakas sa mga mata nila ang kasiyahan lalo na sa kanilang mga mata. Ganito rin siguro kami hanggang ngayon kung hindi lang namatay sila Papa at Kuya Rhed. Masaya siguro kami katulad nila.

“Gising ka na pala!” Ani ng isang baritonong boses. Gulat na napabalik ako sa reyalidad nang biglang may nagsalita sa likuran ko. Hindi ko alam pero nakaramdam talaga ako ng panlalamig sa buong katawan, hindi dahil sa aircon kundi dahil sa taong nagsalita.

Dahan-dahan akong humarap sa direksyon nang nagsalita at lumantad sa akin ang isang mala-adonis na lalaki. Oh wow! He's about 6 feet tall, with a proud nose, tanned complexion, dark hair and thin red lips na tila masarap halikan. Shocks, ano ba itong pinagsasabi ko?

Huli na nang mapagtanto kong nakatapis lang pala siya ng tuwalya sa ibabang bahagi ng katawan niya. Alam kong galing ito sa pagligo, base na rin sa mga tubig na tumutulo pa rin sa kanyang katawan pero ang tanga ko lang talaga. Sa halip na matakot, nagawa ko pa talagang pagmasdan ang physiques niya.

“KYAH! RAPE! RAPE! HELP!” Malakas na sigaw ko habang tumatakbo pabalik sa higaan. Hindi ako pwedeng tumakbo palabas lalo na at hindi ko naman alam kung nasaang lugar ako.

Nagulat naman ang lalaki sa aking reaksyon at bigla akong hinabol. In fairness, ang bilis ng reflexes niya. Ngunit bago pa ako makalapit sa kama ay nahawakan ng lalaki ang dulo ng kumot na binalot ko sa sarili kaya napalapit ako sa kanya. At sa hindi inaasahang pagkakataon, napatid pa siya habang hawak ang isa kong kamay at sa kabila naman ay ang kumot. In the end, dahil sa pagkapatid niya, naalis sa katawan ko iyong kumot at napunta sa malayo. Kaya pareho kaming bumagsak sa malambot na kama.

“KYAH! TULO—!” Sigaw ko na mas lalong lumakas pa. Wala ng mapalagyan ng kaba ko lalo na nang nasa ibabaw ko siya ngayon.

"Sh*t! huwag ka ngang maingay d’yan, Chararat ka!" Takip nito sa bibig ko habang nanliliksik ang mga mata.

Gulat na gulat naman ako nang ma-realize ko na inipit niya ang kanyang boses.

I gasped, “Oh my gosh!” Hindi kaya...

Chararat???

"You’re a Gay?" Walang pakundangan kong tanong.

"Me? I'm not a gay 'cause I'm a Girl. Duh?" Mataray na sagot nito sa akin gamit ang malandi nitong boses.

'Confirmed' mga inday! Ang nilalang na ito ay kasapi sa federasyon.

Magsasalita pa sana ako nang biglang pabalyang bumukas ang pintuan kaya napatingin kami rito. Agad pumasok ang isang matandang lalaki kasunod ang mga babae.

"NASAAN ANG SALARIN?? SINO ANG RAPIST?" Ani ng isang matandang lalaki na sa tingin ko ay 40+ or 50+ na. Habang hawak-hawak nito ang isang kutsilyo.

Kutsilyo? What the h*ll?

Balak ba kaming patayin ng matandang 'to?

"HUWAG MATAKOT DAHIL NANDITO NA SI DARNA!" Segunda naman ng may kaedaran na babae habang nakataas pa ang kanang kamay at ang kaliwa naman ay nasa bewang. Talagang ginaya si darna ah.

Mag-asawa siguro itong babaeng ito saka iyong may hawak na kutsilyo. Sumunod naman sa kanya ang tatlong mga babae na nakatago sa likuran nito.

“KUYA SLASH ATE! NANDITO NA KAMI! ILILIGTAS KA NAMIN SA RAPIST!” Chorus na sigaw nito habang may kanya-kanyang hawak na arnis. Sa kanilang tangkad masasabi na sila ay nasa secondary level na pero malay mo baka mga matatanda na sila na kinapos lang ng height gaya ko.

Pero teka, Kuya slash ate? Hindi kaya si Baks ang tinutukoy nila? Ahh. Baka nga. Napatango na lang ako sa sarili nang mamukhaan ko sila isa-isa. Sila iyong mga nasa picture frame kanina na nakita ko, iyong family picture. Confirmed, kapatid nga nila si Baks. Pinagmasdan ko sila habang nilibot ng mga mata nila ang kabuoan ng silid. Hanggang sa mapunta ang kanilang mga mata sa kama na kinahihigaan namin ni Baks.

Humarap ako kay Baks at humarap din siya sa akin. Napa-OMG na lang ako sa isip ko nang mapagtatanto iyong posisyon namin ni Bakla, dahil hanggang ngayon pala ay nasa ibabaw ko pa rin siya kaya pala mabigat. Nakatapis lang siya habang ako naman ay naka-Bra at Panty lang. Naku naman, kahihiyan na naman ito! Napapikit na lang ako nang makarinig ako nang kalampagan ng mga bagay-bagay sa paligid. Nang nawala na iyong mga tunog saka ko lang muling minulat ang mata ko para tingnan kung saan iyon nanggaling.

In the end, nakita ko na lang sa sahig ang kutsilyo na hawak-hawak kanina ng matandang lalaki at mga Arnis na hawak ng tatlong babae.

Anyare? Itinaas ko aking paningin at doon tumambad sa akin ang mga dilat na dilat nilang mata at mga nakangangang bibig. Ang matandang lalaki ang unang nagsalita.

"I am proud of you, son. Akala ko naman kung ano ang nangyayari rito at nakarinig ako ng sigaw iyon pala may dinala ka lang na babae rito. Good Job!" Nakangising ani nito habang nakangiti na tila proud na proud pa. Teka anong pinagsasabi ng matandang ito?

"LUCAS VILLAREAL! ANO ANG IBIG-SABIHIN NITO? BAKIT GANYAN ANG ITSURA MO SA HARAP NG BABAE? YOU’RE TRYING TO RAPE HER?” Sigaw naman ng babae kay baks. Ito iyong naka-pose na pang-darna kanina eh.

So, Lucas Villareal pala ng pangalan niya.

Hhmm...

Villareal...

Bakit parang pamilyar sa akin ang surname niya? Saan ko ba narinig?

Anyway, bahala na...marami pa akong kailangan isipin ayoko ng dagdagan pa.

"O to the M to the G! Tiboli na si Kuya slash ate! Hindi na siya gay!" Sabay-sabay na sigaw ng tatlong babae habang tumatalon.

“OF COURSE NOT MA! WHAT THE HELL ARE YOU EVEN THINKING?” Sipat naman ni Baks sa kanyang Ina na ngayon lang ata nagkaroon ng bibig dahil ngayon lang nagsalita.

"Oh really? Then, bakit nasa ibabaw ka ng babae na nakatapis lang?" Tanong nang ginang kay Baks na may kuryosidad. Gulat na humarap sa akin si Baks gayundin ako sa kanya at mababasa sa kanyang mukha na ngayon lang niya na-realize ang posisyon naming dalawa. Dali-dali siyang tumayo habang hawak ang tuwalyang nakatapis sa kanyang bewang.

Habang ako naman ay naghahanap ng pwedeng pantakip sa aking katawan. Hahanapin ko sana ang kumot na nahila ni baks kanina nang bigla na lang itong lumanding sa mukha ko kaya medaling ginamit ko iyon. Pagkatapos ay sinamaan ko nang tingin si Baks na siyang nagbato sa akin pero tinarayan lang ako nito pabalik.

“Tsk, bakla.” Naaasar na bulong ko. Syempre iyong ako lang ang nakakarinig. Mahirap na buong pamilya ang kaharap ko ngayon baka mapagtulungan pa ako.

"It’s not what you think, Mom." Pagsisimula ni bakla habang ako naman ay nanatiling tahimik na nakatanaw lamang sa kanilang pamilya habang nakaupo sa kama dahil kahit ako lutang pa rin sa nangyari kung bakit ako nandito sa kanila ngayon.

LUCAS’

"It’s not what you think, Mom." Panimula ko dahil batid kong may nakakadiring ideya na ang tumatakbo sa mga isip nilang kasing dumi ng inodoro.

"I am still Gay, Sirena, bading, badaf or what so ever. Mang Tomas and I just accidentally found her unconciously lying on the highway last night and since I am a good daughter, I brought her to the mansion. But wait a minute! How come that you’re all here? Akala ko ba nasa ibang bansa kayo? Hindi ba’t sa sabado pa ang uwi niyo?" Takang tanong ko kanila Mama para malihis ang usapan.

“At kayo naman!” Sabay tingin ko sa tatlo kong kapatid na mga hindi kagandahan.

"Bakit kayo nandito? Hindi ba bukas pa uwi niyo? Friday pa lang ah. Kalurkey kayo!" Sita ko sa mga ito, kunwaring nagagalit.

Tumaas naman ang kilay nung isa, si Lucia. Siya iyong pangatlo sa aming magkakapatid na siya ring pinakamaldita. Matanda na iyan hindi lang halata. Halos magkakasunuran lang kami ng mga edad maliban lang kay Luca, iyong bunso. Sadyang ako lang talaga ang medyo matangkad.

“Excuse me lang Kuya na tiboli na ngayon. Sabado po ngayon kung nakalilimutan mo. Kahapon pa kami dumating kaso wala ka tsk.” Pagtataray nito sa akin.

“What? Sabado ngayon?” Hindi makapaniwalang tanong ko habang naninigurado. Tumango naman silang lahat.

Oh my! May meeting pa pala kami ni Lolo mamayang after lunch. Akala ko bukas pa.

“EHEM!” Agad akong tumingin kay Dad na siyang tumikhim na sakto rin namang nakatingin sa akin kaya nanlaban ako. Aga-aga nakikipag-staring contest, anong trip nito? Habang nagtitigan kami, nagtaas-baba ang kilay niya na tila sinesenyasan ako. Hindi ko naman siya magets kaya napa-facepalm na lang siya.

"Lucas Villareal, fix yourself first and come to my office after." Madiing saad nito gamit ang seryosong tono bago tuluyang lumabas ng kwarto ko kasunod ni Mama.

Teka nakangiti kanina si Dad ah, bakit biglang sumeryoso? Hindi kaya may problema sa Company?

"Kuya naming tiboli, mag-ayos na kayo pareho ng kasama mo dahil nakahanda na ang almusal kanina pa.” Announce ni Luciana habang nakatingin kay chararat.

“Ate may lahi ka po ba?” Lakas-loob nitong kay chararat.

Nakita ko naman si Chararat na umiling. “Ay! akala ko may lahi ka, kamukha mo po kasi iyong bida sa secret romance. Si Song Ji Eun, iyong kapartner ng yummylicious na si Sunghoon.” Tili pa nito habang kinikilig. Ang hilig talaga sa k-drama ng babaeng ito. Sarap itapon sa North Korea.

“Hoy! Mga chararat! Magsilayas na nga kayo! Ini-stress niyo ang beauty ko!” Pagpapalayas ko sa mga kapatid ko at isa-isa silang binato ng unan.

"Aysus kuya! Gusto mo lang masolo si Ate ganda eh! Ayie! Tiboli ka lang talaga kamo." Pang-aasar nila sa pamumuno ni Luciana.

"CHE! LUMAYAS NA SABI KAYO AT MAGBIBIHIS PA KAMI!" Pagtataboy ko ulit sa mga ito. Halos mamaos na ako pero itong mga walang-hiya kong kapatid ay nagtatawanan lang.

Tsk. Asar ng asar itong mga Chararat na ito. Hindi naman pretty. Mga assumera!

"Ayie si Kuya, Bye Ate." Pang-aasar nito ulit kasabay ng paalam kay Chararat bago lumabas nang tuluyan sa kwarto ko. Oh Ghad! Sumakit lalamunan ko doon ah.

Tinignan ko naman si Merlat na hanggang ngayon ay tahimik pa rin. “At ikaw naman chararat!" Napatalon siya sa gulat dahil sa sigaw ko. "Huwag kang aalis! Magbibihis lang ako. Ayan ang banyo, mag-ayos ka na muna ng sarili mo. Nandoon iyong mga gamit mo na nakita namin sa gilid ng kalsada kagabi. Mukhang naulanan. Kung hindi ka ba naman baliw.” Puna ko habang tinuro ko iyong mga bagahe na nakita namin kagabi sa may daan.

Tumango naman siya bilang pagsang-ayon at nagpasalamat. Tatayo na sana si Chararat sa kama nang biglang bumukas muli ang pinto ng aking kwarto. Mula doon, sumulpot muli ang mukha ni Luciana na may kakaibang ngiti habang nakatingin kay Chararat.

"By the way Ate, just to remind lang. Make sure na isarado mong maigi ang pinto ng banyo ah. Naninilip kasi 'yan kahit bakla.” Pigil ang tawang pahabol na bilin nito kay Chararat sabay dinilaan ako. “Iyon lang ba-bush! Ciao! Adios!"

"LUCIANA!" Abot-langit na sigaw ko sa mahadera kong kapatid. Sasambunutan ko talaga ito mamaya eh. Anong tingin niya sa akin? lalaki? Ilang beses ko bang sasabihin na hindi nga ako lalaki o kahit na bakla dahil I am a certified Girl—YES GIRL! One Hundred percent ---ESTE 50-50 GIRL.

Pagkatapos noon, tuluyan na akong pumasok sa walk in closet ko.

*********

RHEA's

Pagkapasok ni bakla sa walk in closet kuno niya. Tinungo ko naman 'yong mga gamit ko na sa tingin ko ay naulanan kahapon. I just hope na hindi siya basa but unfortunately lahat ng mga nasa backpack ko ay basa maliban na lang sa mga gamit ko na nasa maleta. Ang problema nga lang, ang mga damit ko nasa backpack kaya ngayon, hindi ko alam kung anong susuotin ko. Aargh!

Bahala na nga! Basta ang mahalaga makapasok na ako ng banyo habang wala pa si Bakla. Baka mamaya masilipan na naman ako. Mahirap na, kahit bakla iyon may espada pa rin iyon sa gitna.

Pagkapasok ko sa banyo. Hindi ko maiwasang mapanganga.Whoa! Banyo ba talaga ito? Sobrang laki, parang sinakop iyong kalahati ng apartment ko. May malaking bath tub, Shower, Sink. Tapos mayroon ding Cabinet kung saan nakastore iyong mga shampoo, body wash at conditioner.

Owemgee!!Edi siya na mayaman. Iyong body wash niya, strawberry flavor. Lihim ako napangiti sa naiisip ko. Tutal naman ay tinulungan niya na ako ay lulubusin ko na. Makikigamit muna ako. Kaunti lang naman. Hindi naman siguro magagalit si Baks. Mamaya paglabas ko na lang ako magpapaalam para hindi na siya makaangal.

Ginawa ko na ang daily rituals ko. Natapos ako after 20 minutes, baka kasi naghihintay na sila sa labas, Nakakahiya naman. Hindi rin kasi ako kumportable kapag hindi ako naliligo nang maaga. Buti na lang at may towel dito. Kinuha ko muna iyon bilang pantakip sa kahubaran ko.

Saktong may kumatok kaya lumapit ako sa may pinto ng banyo. “Hoy chararat! Baka naman gusto mong bilisan diyan. Kanina pa kita hinihintay. Baka magalit na sila Mama. Tom Jones na rin si aketchi. Kailan mo ba balak lumabas, Aber?” Dinig kong sabi ni bakla sa labas ng pintuan. Binuksan ko nang kaunti ang pintuan tapos dinungaw ko yung mukha ko at hinarap siya.

“A-ano kasi B-baks.” Utal ko. Shocks! Paano ko ba sasabihin 'to?

“Hoy Babae! Ano bang arte yan? Lumabas ka na nga riyan, now na!" Sigaw ni bakla sabay hila sa akin palabas ng banyo.

“ARAY NAMAN BAKLA!” Angal ko pagkahila niya sa kamay ko. Tiningnan ko siya nang masama at sisigawan sana pero nakita ko siyang tulala habang namumula ang leeg.

Masakit yun ah! Bwisit na baklang ito! “HOY BAKLA! Ano bang problema mo? Kung makahila ka 'kala mo wala kang sariling kamay ah!” Sita ko sa kanya, pero siya hayun, nakatulala pa rin. Kaya ang ginawa ko sinampal ko siya para magising.

“O to the M to the G. My virgin eyes! Please forgive me! Our father who art in heaven, holy be your n---- BAKIT HINDI KA NAKADAMIT?” Sigaw niya habang tinatakpan ng dalawang kamay ang mukha. Sh*t! Nawala sa isip ko. Hinawakan ko nang maigi iyong towel.

“Eh ikaw kasi, basta-basta ka kasing nanghihila!” Pamimintang ko sa kanya.

“Ay Kalurkey! Akala ko nakadamit ka na. Hindi ba’t tinuro ko na sa iyo 'yong mga gamit mo?” Sabi niya ulit. Bwisit, ayaw talagang magpatalo nang baklang 'to. Bakla talaga ng taon.

“Eh kasi nga po, 'yong mga gamit ko po basa. Manghihiram nga sana ako sa iyo ng damit eh, kaso nanghihila ka naman bigla.” Sarkasmong paliwanag ko para maintindihan niya na siya ang may kasalanan.

“MAGHINTAY KA DIYAN, KUKUHA LANG AKO!” Sigaw naman nito pagkatapos ay kumaripas ng takbo habang ako naman naupo na lang uli sa kama. Hmph…As if naman na kaya kong lumabas ng nakatapis lang 'no! Tanga talaga.

Maya-maya bumalik na rin siya after 5 minutes kaya kusa na akong tumayo para abutin iyong damit na ipapahiram niya. “Oh heto, suotin mo muna. Nanghingi ako ng bagong underwear sa kapatid ko.” Sabi niya habang inaabot sa akin ang isang mahabang T-shirt at boxer.

“Kaninong t-shirt 'to? Atsaka bakit may kasamang boxer? May kapatid ka bang nagsusuot ng ganito?" Tanong ko kay baks.

“Aysh! h'wag ka na ngang panay tanong. Ang daldal mo rin no! Malamang sakin 'yan, bilisan mo na diyan dahil naghihintay na sila ermats sa baba.” Bulyaw niya sa akin habang tinutulak ako papasok muli sa banyo.