CHAPTER 2

LUCAS’

"OUCHIE naman Mang Tomas! Muntik mo ng masira ang aking beautiful face." Reklamo ko habang hipo-hipo ang aking malakas-lakasang ilong na nauntog. Ang sakit nun ah! Bigla niya kasing hininto ang sasakyan ng todo at hindi man lang ako binalaan edi sana nakapaghanda pa ako.

“Pasensya na po Ma'am Lucy!” Hinging paumanhin nito sa akin habang kamot-kamot ang ulo.

By the way, Aketchi nga pala si dyosang Lucas M. Villareal, 26 years old ang tagapagmana ng Villareal Group of Companies. Matalino, matangkad, mayaman, Sexy, maganda ang genes, maganda, maganda ulit—Basta Maganda. Mula pa noong tumuntong ako nang Grade 4 napag-alaman ko na talaga sa sarili ko na ang babae ang puso ko at ang hanap kong partner ay lalaki. Aba'y ewan kung paano nangyari. Basta nagagwapuhan ako sa mga kaklase kong chopopo. Ang yummy! Tapos ninanakaw ko rin dati ang mga laruang Barbie doll ng mga kapatid kong babae kasi hindi nila ako pinapahiram eh iyon nga ang gusto kong laruin.

Grade 9 Student naman ako nang mag-desisyon akong sabihin sa magulang ko ang tungkol nga sa sexuality ko. Syempre nagalit ang mga magulang ko sino ba naming hindi? Iisa na nga lang na lalaki naging babae pa pero hindi nagtagal naintindihan rin naman nila. Wala silang choice eh. Ayaw nila nun? Apat na kaming mga babae?

Akala ko nga noong una hindi matatanggap ni Papa pero siya pa talaga ang naunang tumanggap sa pagiging tagilid ko kaysa kay Mama. Ang tao lang naman na wiz makatanggap sa akembang true colors ay ang aking Lolo. Ayaw niya sa mga kagaya ko kaya pilit niya akong sineset-up sa mga babae kahit na alam niyang ako ay isang sirena.

Recently, I was blackmailed from him. Hindi niya ipapamana sa akin ang company kung wala akong maiharap na asawang BABAE and kapag wala akong naiharap sa kanya ay ibibigay niya iyon sa malayo naming kamag-anak. Syempre, hindi ako makakapayag. Pinaghirapan namin ni Papa iyon, halos natanggal na ng mga pawis ko ang make-up ko sa mukha dahil sa hirap kong mapalago iyon tapos mapupunta rin sa iba? Ano siya, hello? De-joke baka kapag narinig ako ni Lolo nabato niya na sakin ang baton niya na lagi niyang hawak. Anyways, all I have to do is to find someone that can be my wife for the mean time. Iyong papayag maging contractual at walang arte.

I have three younger sisters namely Luciana, Lucia, Luca lahat sila mga pretty pero siyempre ako ang pinakamaganda dahil ako ang panganay. Wiz naman halata na betchikels ng mga erpats at ermats ko ang Letter "L" no? Nag-aaral pa ang dalawa d'yan. Si Luciana (23 y/o) tapos na at may sarili ng business. Si Lucia (22 y/o) graduating na sa kursong Journalism habang si Luca naman (16 y/o) ang pinakabunso sa amin, freshman pa lang.

Anyway back to reality…Heto nga muntik ng magkaroon ng damage ang aking gorgeous face dahil sa kagagawan ng payatot naming driver.

“Ano bang nangyari? Nasiraan ba tayo?” Pang-uusisa ko na ikinailing naman niya.

“May babae po kasi na biglang dumaan balak atang magpakamatay.” Paliwanag niya na nagpataas ng mga balahibo ko sa katawan. Agad akong tumingin sa may bintana ng kotse. Napakadilim na ng paligid at umuulan pa man din. Sino naming dadaan eh halos wala nga akong makitang tao na naglalakad. Kaloka, Hindi kaya…Napapanood ko pa naman sa palabas iyong mga ganitong scene.

"Waaahhh! Mang Tomas, Wiz ka namang nananakot! Ang dilim pa naman sa labas, hindi kaya minumulto na tayo?" Atungal ko habang nagpapadyak sa loob.

O to the M to the G!! Wiz ko to keri!

Takot pa naman akemberlu sa multo, mga chararat sila! Maliban na lang kung gwapo iyong multo, willing ako.

"Ma’am, totoo po talaga may babae. Sandali lang po at titingnan ko sa labas kung natamaan natin." Nakukulitang paliwanag nito sa akin habang inaalis ang seatbelt.

Napalunok naman ako. Hindi ko alam pero kinakabahan aketch, feeling ko nasa harapan si Sadako. Tinitingan ko lang si Mang Tomas hanggang sa tuluyan na siyang lumabas at sumilip sa harapan. Kinakabahang pinagmasdan ko lang siya mula sa loob ng sasakyan habang hinihintay ang susunod niyang gagawin pero bigla siyang umupo kaya hindi ko gaanong makita.

Maya-maya nainip na ako kaya sumilip ako sa may bintana. “Ano na Mang Tomas buhay pa ba you?” Sigaw ko habang hinahampas iyong gilid ng kotse. Walang hiya naman oh! Naulanan na ako baka magkasakit aketch nito.

“Sir este Ma’am may babae po dito walang malay!” Pagbibigay-alam nito sa akin na tila natataranta.

“WHAT?” Gulat na eksaherada ko. Hala! Naka-high ata ang merlat at nagawa pang mag-sleeping beauty sa kalsada.

Agad akong lumabas sa kotse at lumapit kay Mang Tomas. "Buhay pa ba itey?" Tanong ko habang tinititigan si Sisa, charot! iyong merlat, I mean. In fairness mga tih, may itsura kahit papaano. Maliit ang mukha niya, maputi at makinis parang koreana. Iyong pilik-mata niya rin ay mahahaba habang iyong mata naman ay mga bilugan na sumakto sa maliit niyang mukha. Pero aba'y syempre dahil ako ang nakakita kaya mas pretty pa rin ang ganda ko.

“Buhay pa naman Ma’am. Ano na pong gagawin natin sa kanya?” Tanong nito sabay tayo at tumingin sa akin tila hinihintay ang sasabihin ko.

Lumingon-lingon muna ako sa paligid at nang mapansing wala namang taong nakamasid saka ako nagsalita. "Patayin mo na." Seryosong entrado ko.

"P-PO?" Malakas na sigaw nito habang nanlalaki ang mga mata tila hindi makapaniwala sa sinabi ko.

Natawa naman ako nang palihim sa itsura niya. "Ito naman si Mang Tomas masyadong patola. Syempre, charot-charot lang iyon. Ang gandang to?" Turo ko sa sarili ko. "Papatay? Syempre...Mamamatay sila sa Ganda ko." Buong pagmamalaki ko para subukang patawanin ang driver namin, pero hindi umepekto. Mukhang immuned na sakin.

"De joke lang ulit. Seryoso na." Pagsuko ko. Tumingin ako sa paligid. Syete! Lalong lumakas iyong ulan. May nakita akong mga bagahe kaya lumapit ako roon at madaling tiningnan kung ano ang mga laman dahil baka sa babae ito. Malay mo naglayas.

Women's clothes? Sabi ko na nga ba tsk. Tumakbo ako palapit kay Mang Tomas. "Mang Tomas, kita mo ba iyong mga bagahe na iyon?" Sabi ko habang tinuturo 'yung mga nakita ko kanina.

"Ipasok mo sa trunk ng kotse, ako na ang bahala sa babae na iyan." Utos ko sa kanya. Agad naman nitong sinunod ang utos ko. Ako naman ay binuhat na iyong babae at tinapon sa gilid, charot!

‘O to the M to the G!’ Anya ko sa sarili nang tuluyan ko nang mabuhat itong si ate girl. Akala ko noong una magaan lang dahil maliit ang katawan pero hindi pala. Nalinlang ako ng size niya. Medyo mabigat siya pero keri ko naman. Buti na lang talaga hindi si Mang Tomas ang pinagbuhat ko dahil baka mamaya kumalas lahat buto noon. Payat pa naman kahit ang dami na ng pinapakain namin.

Dahan-dahan ko siyang ipinasok sa back seat at tumabi sa kanya. Ang kaso, medyo masikip kaya ang ginawa ko pinahiga ko siya habang ang ulo niya nakapatong sa hita ko. Swerte ng merlat na ito, ilang lalaki ang nagpantasya sa kinahihigaan niya ngayon. Aba talandi!!!

Ooops…Walang malisya 'to. Hindi kaya kami talo ni Ate girl! Huwag kayong ano.

Wala sa sariling napabuntong-hininga ako nang makita ko ang kondisyon ng kinauupuan namin. Kawawa naman iyong kotse ko, basing-basa na. Mula sa bulsa dinukot ko ang maganda kong panyo at pinunas sa sarili ko. Syempre, bilang isang tao na naninirahan sa bansang Pilipinas pinunasan ko rin si ate Girl. Mapagmalasakit kaya ako, kala niyo?

Mga sandali rin pumasok na si Mang Tomas sa kotse. Lumingon muna ito sa akin gayundin sa babae tapos bumalik uli sa akin. Agad ko siyang tinaasan ng isang kilay dahil siguradong may naiisip na naman ito na hindi maganda.

"Ah Sir este Ma’am Saan po tayo? Sa Hospital po ba? O sa hotel?" Rinig kong tanong niya.

"Ansabi mo Mang Tomas? Iyong huli?" Pinanliksikan ko siya ng mata. Maganda lang ako pero hindi ako bingi. Anong gagawin ko sa hotel aber? Magpapalamig?

"Joke lang din ‘yon Sir—este Ma'am, masyado naman kayong patola." Panggagaya nito sa sinabi ko kanina. Wala man lang originality ang matandang ito?

“Sa Villareal Mansion na lang, Mang Tomas.” Ismid ko rito. Natututo ng umokray si Manong, kaloka.

Tumango naman ito at ipinaandar na ang kotse. Villareal Mansion is my main home. Sa ngayon kasi doon na ako sa sariling kong Condo nakatira dahil buhay independent na kaming magkakapatid. Bumabalik lang kami rito sa main house tuwing weekend dahil iyon ang family rule na ginawa ng parents namin. Since mas malapit naman ang Villareal mansion kaysa sa condo ko ngayon naisip kong doon na lang muna ako matutulog. Mahirap na baka mamaya magkasakit pa itong gerlalu na itech dahil naulananan, Kargo-konsensya ko pa. Wala rin naman ang mga parents ko ngayon dahil nasa ibang bansa.