CHAPTER 10

RHEA's

MABILIS na lumipas ang araw at palapit na rin ng palapit ang araw ng kasal. Hindi ko namalayan na lagpas dalawang linggo na rin pala simula ng kupkupin ako ni Lucas sa condo niya.

Maraming mga nangyari. Una, nakilala ko na iyong kinatatakutang Lolo ni Lucas na si Don Lucio at ang asawa naman nitong si Lola Amanda. Ewan ko lang ah, kung bakit takot na takot si Lucas kay Don Lucio eh', napakalambing naman nilang mag-asawa. Lalo na si Lola Amanda, ang dami niyang kwento sa akin patungkol sa childhood days ni Lucas at ng mga kapatid niya. Halatang tuwang-tuwa ito at syempre napatawa rin ako. Hindi ko kasi lubos akalain na bata pa lang, kumekerengkeng na si Lucas. Kaya pala, ganoon na lang ang turing sa kanya ng Lolo niya.

Bukod pa doon, nakilala ko na rin ang mga kaibigan niyang kapwa tagilid din at ang masasabi ko lang, talagang nakakapanghinayang. Ikaw ba naman, halos tatlo silang nagsulputan sa condo tapos ang ga-gwapo pa at yummy ang katawan. Hindi payat, hind