CHAPTER 3

Dahil nag-inuman sina Grace, Belle at Sarah isang gabi ay nakita na naman tuloy ng dalaga si Wilfred. Inis na inis siya sa mga kaibigan niya dahil hindi man lang sinabi ng mga ito na naroon 'yong lalaki. Gusto man niyang umalis ay hindi niya magawa dahil gusto niyang makatikim ng alak noong mga oras na iyon.

  "Pasalamat kayo at gusto kong uminom ng alak ngayon. Kung hindi ay umalis na ako rito kanina pa. Bakit hindi niyo man lang sinabi sa akin na nandito pala ang lalaking iyan? Sana ay hindi na ako sumama," sabi ni Grace.

  "Grace, hindi naman namin alam ni Belle na iinom din iyan dito, ano. Alangan namang isa-isahin pa namin ang mga tao bago ka namin yayain uminom, 'di ba? Hindi na namin na-check pa iyon," sagot ni Sarah.

  Umupo na lang si Grace sa isa sa mga couch doon at uminom ng vodka. Halos makaubos na siya ng kanyang iniinom nang biglang lumapit sa kanya si Wilfred.

  Tatawagin niya sana ang mga kaibigan niya kaso ay busy ang mga ito sa ibang table pagkatapos ay nakita pa niyang sumayaw na ang dalawa sa dancefloor ng club kaya wala na siyang nagawa kung hindi harapin ang kinaiinisan niyang lalaki.

  "Hi, Grace. Nandito ka pala ulit sa Oasis. Ano? Tara, inom tayo?" yaya ni Wilfred kay Grace.

  "Hindi mo ba nakikita? Umiinom na ako, o. Kung gusto mo, ikaw na lang ang uminom nito. Tutal, wala naman na akong gana dahil sa pagmumukha mo!" sigaw ni Grace pero dahil ang lakas ng music sa Oasis ay walang naintindihan si Wilfred.

  "Ha? Anong sabi mo? Biglang lumakas 'yong sounds dito sa club. I'm sorry," sagot ni Wilfred kaya lalong nainis si Grace sa kanya.

  "Wala! Uminom ka na dyan. Lalabas muna ako at magpapahangin!" sagot ni Grace pagkatapos ay tumayo.

  Pupunta sana siya sa labas ng club nang biglang nakita niya si ang ex-boyfriend niyang si Rico. Ang dahilan kung bakit gusto niyang uminom noong gabing iyon.

  "Rico, bakit ka nandito? Nandito din ba 'yong babaeng pinalit mo sa akin? Kasama mo siya, ano?" inis pa na tanong niya.

  "Ha? Anong pinagsasabi no? Nandito ako dahil nandito ka! Ano itong nalaman ko na may ibang lalaking naporma sa iyo, ha? Hindi ba't kaka-break lang natin?!" 

  Dahil sa galit ni Rico ay napatingin si Grace sa lamesa kung nasaan si Wilfred. Dahil sa ginawa niya ay napatingin din ang kanyang ex-boyfriend doon.

 "Tsk, tsk, tsk. Kasama mo pala 'tong bago mong lalaki, hindi mo man lang sinabi sa akin. Pero, wala naman akong pake dyan, ikaw talaga ang sadya ko ngayon. Halika sa labas!" sabi ni Rico pagkatapos ay hinila siya ni Rico.

 Narinig ni Wilfred ang pagsigaw ni Grace kaya agad niya itong sinundan para iligtas.

 "Huy, huy! Pare, huwag mo namang ganyanin ang mga babae! Masama iyan!" sabi ni Wilfred.

 Dahil narinig iyon ni Rico ay mas lalo niyang hinigpitan ang paghawak niya sa braso ni Grace. Iyak na nang iyak si Grace noong palabas sila ng Oasis.

 "Rico, ano ba?! Nasasaktan na ako! Tama na! Kung ano man ang narinig mo, oo! Totoo! May ibang lalaki na sa buhay ko kaya sana ay tigilan mo na ako!" 

 Dahil sa siniwalat ni Grace ay mas lalong nagalit si Rico sa kanya. Sinampiga siya nito at kinaladkad. Doon na inatake ni Wilfred si Rico dahil sobra na ang pagpapahirap niya roon sa babae.

 Noong mga oras na iyon ay hindi na malaman ni Grace kung kanino siya kakampi. Pero dahil si Wilfred ang tumulong sa kanya ay mas kinampihan niya ito.

 Dahil bugbog sarado na ay umalis na lang bigla ng Oaisis si Rico. Bago siya umalis ay nagbanta pa ito kina Grace at Wilfred na sa susunod na magkita ulit sila ay mayayari na sila sa kanya.

 "Wilfred, salamat ha? Hindi mo alam kung anong hirap ang dinanas ko sa kamay ng lalaking iyon. I'm sorry na hindi agad ako naging mabuti sa iyo. Salamat talaga sa pagligtas sa akin," sabi ni Grace.

 Habang hawak-hawak ni Wilfred ang parte ng kanyang mukha na napuruhan ay napangiti siya. Masaya siyang marinig mula sa dalaga na nagpasalamat ito sa kanya.

 "Ano ka ba? Okay lang iyon. Kahit sino namang lalaki ay tiyak na tutulong kapag ganoon na ang sitwasyon. Pasensya ka na rin sa akin at sa ganoong paraan tayo nagkakilala noon," sagot ni Wilfred.

 Hindi alam ni Grace sa kanyang sarili kung bakit sa labi siya ni Wilfred naka-focus noong mga mata niya panahon na iyon. Hindi niya naiwasan ang sarili na halikan ang lalaki kaya naman gulat na gulat si Wilfred nang gawin niya iyon.

 Ang hindi alam ni Grace ay nasa paligid ang dalawa niyang kaibigan kaya inasar-asar siya ng mga ito.

 "Hay naku, akala ko ay kung napaano ka na. May prince charming ka naman pala na kasama! Nagmamadali pa naman akong lumabas ng club," sabi ni Belle.

 "Ang kaibigan natin, mukhang inlove na naman pagkatapos ng isang malalang heartbreak. Dyuso! Salamat talaga, Wilfred. Malaki ang utang na loob namin sa iyo dahil niligtas mo ang kaibigan namin," sagot naman ni Sarah.

 "Kayo naman! Minsan lang ako magkaroon ng ganitong moment, nasisira pa. Tara na nga sa loob!" yaya ni Grace roon sa dalawa pero sa loob-loob niya ay kinikilig siya.

 Dahil sa nangyari ay niyaya na nina Sarah at Belle si Wilfred sa kanilang table at tinuloy nila ang kanilang inuman.

 Tahimik man sa isang gilid ay kilig na kilig si Grace dahil pakiramdam niya ay nakita na niya ang lalaking kukumpleto sa buhay niya.