CHAPTER 259

KANINA pa naghihintay si Jestoni.  May usapan sila ni Randell at excited na siya dahil pumayag itong makipagkita sa kanya.

            Ngunit nakailang sigarilyo na siya ay di pa rin ito dumarating.  Never naman itong nale-late dati kapag may usapan sila.

            Umaasa siyang mapapatawad siya nito at mababalik sa dati ang lahat.

            Shit.

            Hindi niya alam at hindi siya sigurado kung ano itong nararamdaman niya para kay Randell.  Ang tiyak lang niya, gusto niya itong makita at napupuyat na siya sa kaiisip dito.  Biglang nagregudon ang dibib niya nang matanawan itong paparating.

            Napangiti siya.