CHAPTER 257

“LIV, I guess kailangan muna nating i-back ground check ang Glenda na iyon bago ko siya bigyan ng trabaho.  Mahirap na.” Sabi ni Gabriel nang ibigay ni Olivia ang resume ni Glenda dito.

            Tumango siya.  Tama naman si Gabriel.  Kailangan niyang maging maingat sa pagtanggap ng mga tauhan lalo na sa panahong ito na hindi pa nahuhuli sina Arlyn at Ninong Jaypee nito.

            “Wala pa rin bang balita?”

            “May nakakita raw kay Ninong Jaypee sa isang maliit na pasugalan sa Manila.  Pinakukuha ko na iyomg footage,” sabi ni Gabriel.

            Napailing siya, “Nagsusugal pa rin siya, hindi ako makapaniwalang may mga taong matindi talaga ang kapit sa