CHAPTER 250

NAPAHANGA si Arlyn sa plano na inilatag sa kanya ni Glenda.  Kaya naman wala ng tanong-tanong pa, ibinigay niya dito ang paunang fifty thousand pesos.  Gulat na gulat ang Tito Jaypee niya sa bilis niyang magpakawala ng pera kay Glenda.

            “Sa akin, hirap na hirap kang magbitaw ng ten thousand pesos, pero sa kanya na di mo naman kaanu-ano ang bilis-bilis mong magbigay!” Yamot na sabi ng Tito Jaypee niya sa kanya.

            “Tito, iyong kay Glenda, capital ang tawag dun.  Ibig sabihin, pwedeng doble, or ten times more ang balik.  Iyong sa inyo, paglustay lang iyon ng pera!” Katwiran niya sa matanda.

            “Bakit, hindi ba sugal ang tawag mo sa ginagawa mong ito, ha Arlyn? Kung tutuusin, mas dehado ka pa nga dito, dahil kapag pumalpak ka