Chapter 31: Buttered Shrimp

Sumikip ang dibdib ni Ysabela. Alam niyang mabuting tao si Señor Gregory, at sa kabila ng malaking agwat ng kanilang estado ni Greig ay hindi siya nito nilait o pinagmalupitan.

Dahil kay Señor Gregory ay nabigyan siya ng dahilan para makasama si Greig.

Ngayon ay paunti-unting bumabaon ang kakaibang emosyon sa kaniyang puso.

“B-baka hindi na kayanin ng tuhod niyo, Lolo.” Idinaan niya sa biro ang nararamdaman.

Ngunit nauutal pa rin siya dahil sa pinaghalong kaba at guilt.

“Hija, malakas pa naman ako. Kung hindi ko na kayang makipaghabulan sa mga bata ay babantayan ko nalang habang nagtatakbuhan sila diyan sa may hardin.”

“Sila?” Nakakunot-noo niyang tanong, nahihiwagaan siya sa mga sinasabi nito.

“Oo, sila. Gusto ko marami silang mga apo ko sa tuhod.” Nangingiti nitong sabi.

Muli na naman siyang nasamid ng sariling laway.

“Alam mo ba, pangarap ko ang masaya, malaki, at maingay na pamilya.” Imporma nito.

Natigilan siya at napatitig sa mukha ng Señor.

Nasasaktan siya ng husto sa mga sinas