Chapter 0091

Paglabas ni Sharmaine ng opisina ni Pierce ay hindi sinasadyang mabangga na naman niya ang malanding babae na mukhang sinadya din yata siya nitong banggain. Mabilis niyang pinagkrus ang kanyang mga kamay sa dibdib at inis na tiningnan ito. Tumaas ang sulok ng kanyang mga labi. “Ano sa tingin mo ang ginawa namin ni Pierce sa loob ng opisina niya?” puno ng pagmamalaki niyang tanong rito.

Napatitig naman si Serene sa mukha ng babae, maganda nga ito ngunit ang bibig nito ay masyadong madaldal. Malamig ang mukhang sumagot siya rito. “Hindi ako interesadong malaman.” sagot niya kaagad rito. Samantala ay bigla na lamang nakaramdam ng matinding inis lalo na nang maisip niya na nagkakagusto si Pierce sa mga ganung klaseng babae. Sana lang ay matupad nito ang nasa kasunduan nila na hindi ito makikipagtalik sa ibang babae. Sa totoo lang ay hindi niya matatanggap na makipag-share sa ibang babae.

Napangisi ito sa kaniya. “Bakit ha? Natatakot ka ba na malaman mo? Ni hindi mo nga alam kung gaano siy