Chapter 0082

Magkasama sila ni Alliyah na muling pumasok sa loob ng kumpanya. Pagbalik nila sa kanilang opisina ay bigla na lamang pinuri ni Alliyah si Mike sa harap ng mga kasamahan niya kung saan ay sobrang nainggit naman ang mga ito.

“Serene, sana may kababata rin ako na gwapo katulad niya.” sabi ng isa nilang kasamahan.

Ilang sandali pa ay sinulyapan naman siya ni Alliyah at pagkatapos ay nakangiting nagsalita. “Sa tingin ko ay gusto ka niya.” sabi nito.

Bahagya namang nagulat si Serene at pagkatapos ay mabilis na nagpaliwanag. “Hindi, ano ka ba. Kababata ko lang siya at napakabuti lang niya sa akin.” sabi niya.

“Okay, okay. Ikaw naman, napaka-defensive mo.” nanunuksong sabi nito sa kaniya.

Hindi naman nakapagsalita si Serene. Ngunit nang mga oras na iyon ay buong hapon na siyang pinagkwekwentuhan ng mga ka-trabaho niya na may isa siyang childhood sweetheary na isang doktor at dahil doon ay napapangitan siya. Bagamat gusto niyang ipaliwanag sa mga ito ang totoo ay mahirap naman iyong ipaliwana