Chapter 0005

Nang makita ni Pierce  ang lumuluhang mukha ng dalawa ay hindi niya maipaliwanag ngunit bigla na lamang niyang naalala ang babaeng nakaniig niya kagabi. Tahimik itong umalis at ni hindi man lang niya ito nakausap o ni natandaan ang mukha nito. Isa pa ay ayaw niyang magkautang siya sa iba. Kung mahahanap lang niya ito ay handa siyang bayaran ito para mawalan siya ng utang rito. Ngunit ipinilig na lamang niya ang kanyang ulo.

~~~

Makalipas lamang ang limang minuto  ay bigla na lamang tumunog ang cellphone ni Serene at nang tingnan niya ito kung ano iyon ay nakita niya ang isang text message na galing sa isang hindi niya kilalang number. “Hindi pa tapos ang nangyari kanina. Dapat kang magkusa na lumapit sa akin sa loob ng tatlong araw dahil kung hindi ay baka hindi mo kayanin ang gagawin ko.” sabi ng text message at habang binabasa niya iyon ay isang tao lang naman ang mabilis na pumasok sa isip niya. Alam niya na kaagad na ang text message na iyon ay galing kay Reid.

Hindi niya na lamang ito pinansin at pagkatapos ay muli na naman niyang tinawagan ang kanyang ina habang nanginginig ang kamay niya. Matapos niyang malaman na hindi naman lumabas ang kanyang ina para gumawa ng ibang trabaho ay nakahinga siya ng maluwag at ngunit pakiramdam niya ng mga oras na iyon ay tila ba walang lakas ang kanyang katawan at halos hindi na makagalaw pa mula sa kanyang kinatatayuan.

Pagkatapos lang niyang ibaba ang tawag ay halos dumulas at nahulog sa sahig ang kanyang cellphone. Akala niya ay tuluyan na ngang nagbago ang kanyang ama sa ginawa nito dalawang taon na ang nakaraan. Akala niya ay hindi na nito muling magagawa ang bagay na iyon sa kaniya kaya nang dumating ito noon sa harap ng pinto nila upang humingi ng tawad sa kaniya at sa kanyang ina na punong-puno ng pagsisisi ang mukha ay kaagad nila itong tinanggap dahil ang akala nga nila pareho ay matututo na ito ngunit hindi niya akalain na muli na naman pala itong masisilaw sa pera at maaatim nitong ibenta ang sarili niyang anak ng walang pag-aalinlangan.

Dali-dali niyang pinulot ang kanyang cellphone mula sa sahig at pagkatapos ay idinial niya ang number ng kanyang ama at doon niya nalaman na naka-block na pala siya at hindi na iyon nakakagulat pa. Magkakahalong emosyon ang naramdaman niya ng mga oras na iyon. Lungkot, sakit at awa sa sarili niya. Ilang sandali pa ay hindi na niya napigilan pa ang kanyang emosyon at biglang nanginig ang kanyang mga balikat at napaiyak siya. Dahil sa bagal niyang maglakad ay mas nauna pa palang nakababa sa kaniya ang tauhan ni Pierce kung saan ay hinihintay na pala siya sa lobby ng hotel.

Nakaupo ito sa may sofa at nang makita siya nito ay dali-dali itong tumayo at pagkatapos ay lumapit sa kaniya. “Ms.Serene, ito ang divorce agreement. Pakipirmahan na lang po ito.” magalang na sabi nito sa kaniya.

Napaisip siya nang mga oras na iyon na talaga hindi na talaga makapaghintay si Pierce na maghiwalay sila. Ni hindi niya tinapunan ng tingin ang divorce agreement o ni kung anuman ang nakasulat doon. Dali-dali niyang inabot mula sa kamay nito ang ballpen at walang kabog na pinirmahan iyon. Pagkatapos niyang pirmahan iyon ay kaagad niyang ibinalik iyon rito at mabilis na tumalikod.

Ngunit nakaka-isang hakbang pa lamang siya nang bigla na lamang niyang naramdaman ang paghawak nito sa kanyang braso upang pigilan siya. “Teka lang Ms.Serene, hindi niyo man lang ba babasahin ito?” tanong nito sa kaniya.

Tumigil naman si Serene sa paglalakad at nilingon ito dahil pag nagtuloy-tuloy siya sa kanyang paglalakad ay magmumukha lang siyang bastos. Nang marinig niya ang sinabi nito ay bahagya siyang napakunot ang noo at walang maintindihan sa sinasabi nito.

Nang makita naman ni Liam ang pagkalito sa mukha nito ay bigla siyang nagsalita. “Ah ano po, ang ibig sabihin ni Sir ay dapat na ninyong ayusin ang mga gamit ninyo at umalis na kayo sa mansyon.” sabi niya rito.

Ang kasunduang iyon ay ginawa nang madalian at sinong mag-aakala na sa paglipas lang ng ilang minuto ay ilang milyon na ang mawawala sa kaniya. Ni hindi na nagulat pa si Serene dahil halata namang galit sa kaniya ang lalaking iyon. Isa pa ay gusto niyang sabihin rito na kung hindi lang din naman dahil sa lola niya ay hindi niya rin naman ito pakakasalan. Pero alam niya na kahit na sabihin niya pa iyon ay hindi na ito maniniwala pa sa kaniya.

Ibinaba ni Serene ang kanyang ulo at muling kunuha ang mga dokumento at pagkatapos ay isa-isa niyang pinirmahan ang mga iyon kahit na sa totoo lang ay hindi niya naman talaga binasa ang mga nakasaad doon, gusto niya lang na tantanan an siya ng mga ito at tuluyan na nga silang maghiwalay dahil iyon din naman talaga ang gusto niya, ang makipaghiwalay rito.

Habang nakatingin naman si Liam sa dalaga ay bahagya siyang napakunot ang noo. Sa totoo lang ay inihanda na niya ang sarili niya sa mga sasabihin niya sana para pirmahan lang ng dalaga ang mga iyon ngunit ni hindi niya lubos akalain na ni isa sa mga iyon ay hindi niya kailangan pang sabihin rito dahil napakabilis nitong pinirmahan iyon at ni hindi man lang ito tumutol o kung ano pa man.

Nang matapos piramahan nito isa-isa ang mga dokumento ay muli nitong inabot iyon sa kaniya. Tinanggal niya ang pagkabigla sa kanyang mukha at pagaktapos ay tumitig rito. “Ang pagkuha ng sertipiko ay magkahiwalay at aayusin ko pa ang tungkol sa bagay na iyon. Sasabihin na lang kita Ms.Serene.” sbai niya rito.

Tumango lang ito sa kaniya at ni hindi man lang nagtanong ng kahit na ano sa kaniya. Sa mga panahong iyon ay sasalang sa isang heart stent surgery ang matandang babae kaya ang pagkuha nila ng sertipiko ng diborsyo ay maaari lamang maayos pagkatapos ng operasyon nito. Nang makita niya ang pagtango nito ay muli lang siyang napatitig rito. “Isa pa po pala ay umaasa si Sir na hindi niyo na po muling guguluhin pa ang kanyang lola sa hinaharap o ni makipagkita man lang rito.” dagdag niyang sabi rito.

Bagamat ginawa na ang lahat ni Liam ang kanyang makakaya upang mas maganda ang pagkakasabi niya rito ng salitang iyon ay napansin pa rin ni Serene ang babala sa sinabi nito.

Naisip kasi ni Liam na kinamumuhian ito ng kanyang amo kaya hindi nito pinapayagan na magkaroon pa ito ng kahit na anumang relasyon sa kanilang pamilya.

Samantala, bagamat nag-aatubili si Serene na iwan ang matandang babae ay mabilis siyang tumango rito. “Naiintindihan ko. Aalis na ako, dahil kailangan ko pang pumasok sa part-time job ko at anong oras na.” sabi ni Serene rito at pagkatapos ay nagmamadaling tumalikod rito at umalis na sa hotel.

…