Chapter 11

Lalong nakaramdam ng saya si Naya nang tuluyang lumapag ang sinakyan nilang chopper. Lumapag iyon sa rooftop ng hotel na kanilang tutuluyan na ayon kay Cristal ay pina-book mismo ng agency.

Tamang-tama ang lugar dahil halos isang kilometro lamang ang layo ng bahay na tinutuluyan ng kanyang ama at mga anak.

"Hurry up, Damie!" Hindi na niya hinintay na magsalita si Damielle Astin, mabilis itong naglakad na tila ba may hinahabol na oras. Hindi naman naiwasan ni Damielle ang magtaka sa kanyang inasta.

"Hindi mo naman kailangang magmadali, Naya. Bukas pa naman ang photo shoot mo, 'di ba?"

Napahinto siya dahil sa tinuran ng kanyang bodyguard. Pinilit na lamang niyang ngumiti nang lingunin niya ang lalaki.

"Oo. Ano kasi--gusto ko na kasing magpahinga. Napagod ako sa biyahe."

Buo na ang plano niya. Hihintayin niyang makatulog o malingat ang kanyang bodyguard at saka siya tatakas upang puntahan ang kanyang mga anak.

Hindi naman umimik si Damielle kaya muli na siyang nagpatuloy sa pag