Chapter 12

Awtomatikong napaangat ng tingin si Damielle Astin nang bumukas ang pintuan ng silid na okupado ni Raya.

"Naya." Napaayos siya ng tayo. Hindi rin niya naiwasan ang mapakunot-noo lalo pa at tanging white robe lamang ang suot ng babae. Halatang bagong ligo dahil na rin sa nakapalibot na puting tuwalya sa buhok nito.

Ngunit tila hindi napansin ni Raya Fae ang kanyang pagkunot-noo dahil gumuhit ang munting ngiti sa labi nito.

"Pwede mo ba akong samahan, Damie?"

"Samahan saan?"

Itinaas ng modelo ang hawak niyang isang bote ng red wine. Matapos niyang ibaba iyon ay ngumuso siya.

"Nakatulog na kasi si Kat eh kaya wala na akong kasama. Pwede bang ikaw na lang?"

Nang hindi umimik si Damielle ay lalo siyang nagpa-cute.

"Please, Damie."

Napabuntong-hininga naman si Damielle Astin.

"Akala ko ba matutulog ka na?"

"Yes. And I'll be needing this to sleep."

Napailing na lamang si Damielle Astin.

"Sige na, please. Nakakalungkot naman uminom ng mag-isa." Lumabi ang dalaga.

Napabuga ng