Chapter 15

"Tumawag si sir Rio, Raya."

Hindi naiwasan ni Raya ang pagkabog ng kanyang dibdib nang makita niya ang lungkot sa mukha ng kanyang kaibigan.

"Anong sabi niya?"

"Pinapauwi na niya ako ng Pilipinas."

Tila naman nanlata si Raya Fae sa kanyang narinig.

Aniya sa isip, ibig sabihin ba no'n na mawawalay na siyang muli sa kanyang mga anak.

"Pero hindi mo kailangan sumama, Raya. Pwede ka pa ring mag-stay rito. Ayos lang naman 'yon tutal ang alam niya, may photoshoot ka pa rito."

Hinaplos ni Katriss ang kanyang balikat saka ito nagpatuloy sa pagsasalita.

"Pasensya ka na. Gustong-gusto kong mag-stay pa ngunit hindi naman pwede."

Humawak si Raya sa kamay ni Katriss na nasa balikat niya.

"Ayos lang. Huwag kang mag-alala, kaya ko na ang sarili ko." Binigyan niya ito ng munting ngiti.

"So what are your plans? Bibisitahin mo ba ulit ang mga bata?"

Kumilos si Katriss upang ihanda ang kanyang maleta.

"Oo sana. Hindi ko pa nasusulit ang mga araw na kasama ko sila."

Sandali siyang nil