Chapter 16

"Anong kaguluhan 'yan?!"

Natahimik ang lahat ng naroroon sa kanilang kinatatayuan nang marinig ang boses ng isang Maxwell Harrington sa 'di kalayuan.

Dahil patakbo si Christian upang pakalmahin si Natalia, una itong nakarating sa pwesto ni Natalia na siyang magulo na ang buhok. Nanggigigil at gusto pa ring kumawala ni Natalia ngunit hawak na siya ni Christian sa kaniyang mga braso. "Kumalma ka, Allyson..."

"Bakit ako kakalma eh wala naman akong kasalanan!" sigaw ni Natalia pabalik kay Christian.

Kung ang sitwasyong ito ay katulad noong isang araw na wala namang ginawang masama si Natalia, maiintindihan pa ni Christian. Ngunit sa mga mata nito ngayon, maging ang lahat ng taong nakakikita na kilala ang pamilya Harrington, na kay Natalia ang tunay na sisi. Kilala ng lahat na ang isang hamak na doktor na nagngangalang Dra. Allyson ay sinaktan ang isang Lucia Costaleon na parte ng pamilya Harrington.

"Umalis na tayo rito bago pa lumala ang lahat!"

"Walang aalis!" malakas na sigaw ni Lucia