CHAPTER 35

Nasa bukid na ang gansa. Nakuha na din ni Hendrix ang kudkuran. Nakasimangot ako habang naglalakad kami pabalik ng bahay nila. Nauna na si Dina at nakasunod sa kaniya si Hendrix. Nahuhuli naman akong maglakad, wala na sa mood dahil sa pagdating ni Dina.

Nilingon ako ni Hendrix. Tinaasan niya ako ng kilay pero masungit akong nag-iwas ng tingin. Inabot niya ang kamay ko kaya agad nagbago ang mood ko.

Magkahawak kamay na kaming naglakad. Nilingon kami ni Dina. Natigilan siya at napanganga nang makita ang kamay namin ni Hendrix. Ngiting-ngiti naman ako.

Hindi ko alam kung bakit niya pinuntahan ang lalake. Ang layo ng bahay nila, hindi na lang siya nanahimik doon.

Makahulugang tumingin sa amin si Ranna. Kinindatan ko naman siya.

Naghugas ako ng kamay at binti dahil sobrang dungis ko na talaga. Mabuti na lang at may dala akong extra na sando, kaya nagpalit ako.

Umupo kami ni Ranna sa duyan habang kumakain ng dried berries, habang sina Dina at Hendrix naman ay nakaupo sa bangko, may pi