Chapter 20

MATAAS na ang sinag ng araw nang magising si Shiela. Wala na sa kanyang tabi si Chris at balot ng kumot ang hubad niyang katawan.

Pahirapan pa ang pagbangon sa kama dahil pinagod siya nang husto nito. Masakit ang buo niyang katawan lalo na sa ibaba. Pagpasok sa banyo ay nabigla pa siya nang makita ang sariling repleksiyon sa salamin.

Tadtad ng kiss mark ang buo niyang katawan. Talagang pinanggigilan siya kagabi ni Chris. Kaya sa halip na maghihilamos at sipilyo lang ay diniretso na niya sa pagligo. Matapos magbihis ay dumiretso siya sa baba upang hanapin ang anak dahil wala na ito sa crib.

At natagpuan naman niya sa may patio, karga muli ni Maricar kasama ang bunsong anak ni Zia, si Laurence. Pinagmasdan niya ng ilang sandali ang mga ito saka nagtungo sa kusina upang kumain.

May katulong na naghuhugas ng plato kaya tinanong niya ito, "Si Ate Zia pala?"

Lumingon naman ito saka sumagot, "Maaga po'ng umalis, baka nasa shop nila ng kaibigan niya."

"May negosyo pala siya," komento ni Shiel