Chapter 27

Nanlilisik ang mga mata ni Shiela sa galit habang nakatingin kay Chris. "Nakakasuka kayong dalawa, lalo ka na!" hiyaw niya at dinuru-duro pa ito.

"Napakatagal na ng video na 'to!" Pagdedepensa pa ni Chris sa sarili.

Alam ni Shiela na nagsisinungaling ito pero pinagmukha niyang naniniwala siya para hindi na mauwi sa pag-aaway ang lahat. Masiyado siyang pagod para makipagtalo. "Talaga?" aniyang nagbaba ng tono ng boses.

Sinikap irehistro sa mga mata na naniniwala siya ngunit hindi niya talaga kayang lokohin ang sarili. Sa isang iglap ay biglang bumaliktad ang sikmura niya. Bago pa magkalat ay mabilis nang tumakbo patungo sa banyo si Shiela. Lumuhod siya sa harap ng inidoro at doon ay nilabas lahat ng kinain kanina.

Sumunod naman si Chris. "Anong nangyayari sa'yo?" nagtataka nitong tanong.

Umiling-iling si Shiela, nang matapos ay nagmumog siya at humarap sa salamin para ipaalala sa sariling hindi dapat siya magpaapekto.

Ang sarili at ang anak ang dapat niyang isipin sa mga oras na iyon a