Chapter 33

SA NARINIG ay agad nanghina ang tuhod ni Shiela. Mabuti na lamang at agad umalalay si Maricar. "Ano'ng nangyayari, sinong kausap mo?"

Nangilabot ang buong katawan ni Shiela. Nanlamig siya at bumilis ang tibok ng puso.

"A-Anong sinasabi mo, Irene? Pa'nong mapupunta sa'yo ang anak ko?"

Mula sa kabilang linya ay humalakhak si Irene. "Salamat sa biyenan mo't madali ko'ng nakuha si Archie, ang cute-cute talaga ng anak ni Chris. Sayang lang at ikaw ang Ina."

"Anong sinasabi ng kausap mo, Shiela?" sabat naman ni Maricar.

Hindi inimik ni Shiela ang tanong ng biyenan. Mas pinagtuunan niya ng pansin si Irene sa kabilang linya. "'Wag mo siyang sasaktan, nakikiusap ako sa'yo. Lahat ng gusto mo ay gagawin ko, ibalik mo lang siya ng ligtas," naluluhang saad ni Shiela.

Muling tumawa si Irene. "Lahat ay gagawin? Pwes, ibigay mo ang cellphone kay Chris. Gusto ko siyang makausap."

Huminga nang malalim si Shiela saka tiningnan ang biyenan. "'Ma, papuntahin niyo rito si Chris."

Tumango si Maricar. "S-Sig