Chapter 34

SA NARINIG ay halos mawalan ng malay si Shiela. "H-Hindi! Anong ginawa mo sa anak ko?!"

Biglang humalakhak nang malakas si Irene mula sa kabilang linya. Hanggang sa naging magulo at maingay saka bigla na lamang naputol ang tawag.

"Anong nangyari?" nag-aalalang tanong ni Maricar.

Hindi ito sinagot ni Shiela at sa halip ay tinawagan ang numero ni Irene ngunit hindi na ito sumasagot.

"May ginawa bang masama si Irene kay Archie?" tanong naman ni Zia.

Bigla na lamang napahagulgol si Shiela. Para siyang mababaliw ng mga oras na iyon. Wala na siyang ibang ginawa kundi ang tawagan ang numero kahit wala namang sumasagot.

"Shiela!" biglang taas ng boses ni Maricar. "Huminahon ka!" Bigla siyang nabahala sa ikinikilos ng manugang.

Nanginginig na kasi ito at parang ano man sandali ay masisiraan na ng bait. Maging si Zia ay nababahala na rin sa ikinikilos ng hipag.

Natauhan naman si Shiela saka humingi ng paumanhin habang umiiyak.

"A-Ang sabi ay tinapon niya sa basurahan si Archie," iyak pa niya.

"