Chapter 31

TUMUTULO sa bedsheet ang dugo mula sa bibig ni Shiela. Pero sa halip na gumalaw ay nagkatitigan pa silang dalawa ni Chris.

Dahil maging siya ay hindi inakalang masasaksihan nito ang pagsuka niya ng dugo. Muling naubo si Shiela kaya umalis siya sa kama at tumakbo papasok sa banyo.

Nagmumog at nilinis ang dugo sa bibig saka sa kamay. Sumunod naman si Chris at pinanuod ito sa ginagawa. "Anong sakit mo?"

Matapos maghugas ng kamay ay tiningnan ni Shiela ang asawa mula sa repleksyon ng salamin. "Hindi ko alam, hindi ako nagpa-check up."

"At bakit?!"

Mula sa salamin ay hinarap na ito ni Shiela. "Natatakot akong malaman. Para ko na ring inaalam kung hanggang kailan na lang ako mabubuhay."

"Anong klaseng pag-iisip 'yan!"

"Ayokong isipin na may sakit ako. Ang gusto ko lang ay gumising sa umaga at matulog na walang iniisip." Pagkatapos ay nilagpasan ito at pumasok sa cloakroom para magpalit ng damit.

Nang makapagpalit ay sunod naman niyang pinalitan ang bedsheet.

Muling lumapit si Chris. "Bukas