Chapter 30

NANLAKI ang mata at hindi makapaniwala si Chris sa narinig. "Imposible! Binura kong lahat ang video namin kaya pa'nong nangyaring may naiwan pa?!"

Si Shiela na nagulat sa biglang tas ng boses ng asawa ay napatanong na. "Anong nangyayari, Chris?"

"'Wag ka munang magtanong ngayon." Saka kinuha ang cellphone sa bulsa upang tingnan kung ano ang tinutukoy na s*x video.

Kaya nga siya hindi umuwi at sinakripisiyo ang kaarawan ng anak para magawa niyang burahin lahat ng meron si Irene na magagamit laban sa kanya.

Tapos malalaman-laman niyang nagawa pa rin nitong makapag-post?

Madali lang niyang nahanap ang tinutukoy na video dahil marami-rami na ang views. Nang panuorin ay nakumpirmang ang s-in-end mismo ni Irene ang in-upload.

"Sh*t!" mura niya dahil nakaligtaan ang pinasa nito.

Mabilis niyang tinawagan si Irene at agad naman itong sumagot. "Anong ginagawa mo?! Burahin mo 'to ngayon!"

"Gawin ko man, kalat na kalat na saka marami ng nakapag-share at save," saad ng dalaga mula sa kabilang liny