Chapter 29

ISA... DALAWA... TATLO...

Hanggang naging apat. Ganoon katagal naghintay ang pamilya Cruz, maging si Shiela. Ngunit kahit anino man lang ni Chris ay wala.

Nagsimula ang birthday party ni Archie na missing-in-action ang ama. Kahit makailang-beses tawagan ay hindi sumasagot hanggang sa cannot be reach na ang numero. Magkaganoon man ay hindi sila nagpaapekto lalo na si Shiela.

Gaya ng gustong mangyari. Nais niyang maging perpekto ang lahat kahit wala si Chris. Tinuloy ang birthday party at nag-enjoy ang lahat kahit may pagkakataong nagtatanong ang mga bisita kung nasaan ang ama ng bata.

Nagdadahilan na lamang sila o hindi kaya ay tipid na ngumingiti. Nang matapos ang selebrasyon ay saka lang naglabas ng sama ng loob si Maricar. Dismayado talaga siya sa hindi pagsipot ni Chris sa unang kaarawan ng anak.

Habang nagliligpit ng dekorasyon ay hindi na talaga napigilan ang magtanong, "Shiela... umamin ka nga, talaga bang tungkol lang sa trabaho kaya umalis si Chris at hanggang ngayon ay wala p