Chapter 25

KUMURAP ng makailang beses Shiela. Kailangan niyang panindigan ang binitawang salita.

"Kung nagsisinungaling ako, sa'n ko naman gagamitin ang mga 'to? Iniisip mo bang may sakit ako? Edi, sana dumiretso ako sa ospital, nagpa-check up saka humingi ng reseta para sa gamot. Pero hindi, binili ko lang 'to sa drugs store, ito 'yung pinaka-mild at hindi na kailangan ng reseta."

Matagal ang titig ni Chris saka napatango-tango, kumbinsido sa sinabi nito. "Kung gano'n ay magpahinga na tayo. Sandali, sa'n ka nga pala galing?"

"Kay Archie, tiningnan ko lang kung tulog na siya."

Pagtalikod ni Chris ay mariing naipikit ni Shiela ang mata saka marahang nagbuga ng hangin. Nakahinga siya nang maluwag dahil napaniwala niya ito.

Nang makitang sumampa na ito sa kama ay sumunod siya upang matulog kahit hindi pa inaantok, upang hindi lang ito muling magtanong sa kanya.

~*~

NGALAY na ngalay na ang labi ni Shiela sa kakangiti upang ipakita na masaya siyang ikakasal muli kay Chris.

Narito sila ngayon sa munis