Chapter 19

NAGPIPIGIL man pero emosyon na mismo ni Shiela ang kusang tumatraydor sa kanya. Gaya ni Mia ay naluha na rin siya dahil dama niya ang senseridad sa mga salita nito.

"Magsisimula tayong muli, pangako ko 'yan sa'yo," patuloy pa ni Mia.

Siyempre, aasa si Shiela dahil iyon lang naman ang magagawa niya sa sitwasyong iyon.

Hanggang ilang sandaling katahimikan ang namayani sa magkapatid nang parehong magkahiyaan nang mag-iyakan. Matapos ay nagsalitang muli si Mia, "Magkuwento ka naman, hindi ka ba pinagmamalupitan ni Chris?"

Umiling lang si Shiela, hindi na nais pang sabihin ang totoo dahil baka mas lalo lang lumala ang sitwasyon. "Naghiwalay na kami," sa halip ay ito na lamang ang sinabi niya.

"Talaga? Pero... magkasama pa rin kayo?" naguguluhang tanong ni Mia.

"A-Ayaw niya 'kong pakawalan. Hindi ko rin gustong umalis dahil... kukunin niya ang custody ni Archie."

Nagbago ang ekspresyon ni Mia. Bakas ang inis sa mukha. "Hindi naman pwede ang gano'n, ikaw ang Ina!"

"Alam ko naman 'yun pero hi