Chapter 18

BAKAS ang pag-aalinlangan sa mga mata ni Zia kaya hinawakan ni Shiela ang kamay nito sa pamamagitan ng libreng kamay. "Una't huling pakiusap ko ito sa'yo. Sana'y matulungan mo 'ko." Matapos ay binitawan din ang kamay nito upang makarga nang maayos si Archie.

Isang malalim na buntong-hininga ang pinakawalan ni Zia. Halatang nag-aalanganin ngunit tumango rin kalaunan. "Titingnan ko kung anong magagawa ko. Pero kailangan natin 'tong ilihim kay Kuya."

Napangiti si Shiela. "Tayo lang ang makakaalam, Ate."

Bahagyang nabigla si Zia sa paraan ng pagtawag nito sa kanya saka nangiti. "Walang ano--"

"Ano pang ginagawa niyo riyang dalawa?" si Chris na muling bumalik.

Magkasabay na lumingon ang dalawang babae at pareho ring umiling. "Nag-tsikahan lang, Kuya," tugon ni Zia.

"Mamaya na 'yan at kumain muna tayo."

Kaya magkasabay na pumasok sina Zia at Shiela na makahulugang tumingin sa isa't isa bago sundan si Chris.

~*~

DAHIL sa pakiusap ni Shiela ay humingi ng tulong si Zia sa asawa.

"Ba't hindi ka