Chapter 17

HINDI na kailangan pang isipin kung anong ibig sabihin ni Chris. Nahulaan na kaagad ni Shiela kung ano ang gusto nito mula sa kanya.

Kaya kahit labag sa loob ay tumango siya bago ito lumabas ng bahay. Nang mapag-isa ay natulala naman siya, hindi malaman ang gagawin sa nalamang rebelasyon tungkol sa kapatid na si Mia.

Gusto niyang isiping nagkakamali lang si Chris pero... narito, hawak niya ang ebidensiyang magdidiin sa kapatid.

Nakatulala lang siya ng ilang minuto hanggang sa may lumapit na katulong upang tanungin kung ipagpapatuloy pa ba nito ang pagkain o hindi na upang makapagligpit.

"Sige lang, nawalan na 'ko ng gana," tugon ni Shiela saka nagtungo sa kwarto upang maligo. Kailangan niyang ihanda ang katawan para sa mga mangyayari.

Nagsuot siya ng night gown na binalutan ng robe saka nagtungo sa mansion.

"Good evening po, Ma'am Shiela," bati pa ng katulong na nakasalubong niya habang paaktay sa hagdan.

Simpleng tango lang ang ginawa niya saka nagtuloy-tuloy patungo sa master's bedr