Chapter 22

BUKAS at sagad ang aircon sa kotse. Pero ang mga sakay ay pawang mainit ang ulo.

Kahit tahimik na magkatabi sina Shiela at Chris sa backseat ay ramdam ni Jeric na tahimik na nagmamaneho ang tensyon sa dalawa.

Nang makarating nga sa hotel ay nagmamadali si Chris na sumakay sa elevator at kinalimutan si Shiela.

Kaya ang naiwan na lamang ay ang dalawa.

"Sa'ng floor ka?" tanong ni Shiela para hindi naman awkward sa kanilang dalawa ni Jeric habang nasa loob ng elevator.

"Sa ibabang floor niyo po, Ma'am."

Tumango-tango si Shiela. Nasa presidential suite kasi siya katabi ng kay Chris. E, ayaw niyang bumalik doon at baka mag-ayaw lang ulit sila. "Pwedeng palit tayo? Sa suite ko na lang ikaw matulog."

Napakurap si Jeric saka napakamot sa batok. "Baka po magalit si Sir."

"Akong bahala," saka muling nakiusap.

Muling napakamot sa batok si Jeric pero pumayag din kalaunan. "Kunin ko lang po ang gamit ko, Ma'am."

At ganoon din ang ginawa ni Shiela. Mabilis niyang kinuha ang gamit saka lumabas sa pre