Chapter 15

NANLILISIK at halatang gustong manakit ni Irene habang naka-amba na ang dalawang kamay kaya napaatras si Shiela.

Bago pa man makapanakit ay nagawa na agad niya itong pigilan sa magkabilang braso. "A-Anong ginagawa mo?!"

"Bitawan mo 'ko!" nakakarinding hiyaw ni Irene saka nagpupumiglas.

Ngunit hindi ito binibitawan ni Shiela sa pangambang baka manakit sa oras na pakawalan niya. "Bakit mo ba 'to ginagawa, wala akong kasalanan sa'yo!"

"Anong wala?! Ang kapal ng mukha mong dumikit pa rin kay Chris kahit hiwalay na kayo. Ang isang babaeng katulad mo ay dapat magising sa katotohanang ako na ngayon ang makakasama niya!"

Hindi na kaya pang tagalan ni Shiela ang pagpupumiglas nito kaya ginamitan na niya ng puwersa upang hindi siya masaktan. Sanhi kaya nabuwal sa lupa si Irene at naghihiyaw sa inis.

"Walanghiya kang babae ka!"

"Pwede ba, wala akong ginawang masama kaya kung ako sa'yo ay umalis ka na!" ani Shiela saka piniling bumalik sa bahay.

"Ako na ang mahal ni Chris ngayon kaya 'wag mo'ng t