Chapter 14

HINDI lang ang basong hawak ang nabasag maging ang puso ni Shiela nang makitang may ibang kahalikan ang lalakeng minamahal.

Sobrang sakit makitang may iba na ito sa loob ng maikling panahon simula ng sila ay maghiwalay.

Gusto niyang sumigaw, manumbat ngunit maging ang sariling boses ay hindi niya mahanap. Tuluyan siyang napipi.

"Shiela..."

Nang banggitin ni Chris ang pangalan niya habang may kayakap na babae ay saka lang siya tuluyang nakagalaw at nagmamadaling umalis.

"S-Sandali lang, Shiela!" habol ni Chris nang mabilis na pigilan ni Irene sa braso.

"Where are you going? Susundan mo siya't iiwan ako?"

Nagpalipat-lipat ang tingin ni Chris sa dalawang babae, nahihirapan kung sino ang pipiliin. Sa huli ay inalis niya ang kamay ni Irene sa braso. "Hintayin mo 'ko rito't babalik agad ako." Sabay takbo palayo upang sundan si Shiela.

"Chris!" tawag ni Irene na hindi makapaniwalang ang dati nitong asawa ang pipiliin sa halip na siya. Frustrated at nagpapadyak siya sa inis.

Samantalang nakar