Chapter 12

TILA gumuho ang mundo ni Shiela sa natuklasan. Nagsimula siyang umakto nang kakaiba at nagsisisigaw sa pasilyo ng mansion sanhi upang magkasabay na lumabas ng study room ang dalawa.

"Anong nangyayari sa'yo, Shiela?" nagtatakang tanong ni Chris.

"Narinig kita! Nagsinungaling ka sa'kin!" hiyaw ni Shiela na sapo-sapo ang noo tila parang mababaliw.

Nagsimulang mag-hysterical kaya lumapit na si Chris upang pakalmahin ito. "Huminahon ka!"

"Hindi!" makaputol-litid na sigaw ni Shiela saka sinimulang saktan si Chris. Pinaghahahampas niya ang dibdib nito. "Niloko mo 'ko!"

Ininda naman ni Chris ang hampas at suntok hanggang sa dumating ang ilang tauhan upang mapigilan itong nagwawala na.

"Dalhin niyo siya sa kwarto at tumawag ng Doctor para mapakalma," utos niya na agad sinunod ng mga tauhan.

Matapos ay nagkatinginan silang dalawa ni Myrna na bakas ang kaba at pag-aalala. "M-Mukhang narinig niya po tayo, Sir."

"Mas mainam na rin siguro. Soon or later ay malalaman niya rin naman."

"Pero... nakaka