Chapter 11

BIGLANG naglaho ang lib*g na nararamdaman ni Chris. Pinulot niya sa sahig ang nagkalat na dokumento saka tiningnan si Shiela.

"Oo, makikipaghiwalay ako sa'yo."

Pinakatitigan ni Shiela ang mga mata ng asawa kahit nanlalabo na ang paningin dahil sa luha. "B-Bakit? Anong nagawa ko'ng mali?"

"Wala, Shiela. Siyempre, wala pero... naisip ko'ng tigilan na natin 'to. Kaya pirmahan mo na 'tong divorce papers."

Nag-uunahang pumatak ang luha sa mga mata ni Shiela. Nang ibigay nito ang dokumento ay tila sinasaks*k ng isang libong karayom ang kanyang puso. Hindi niya akalaing darating ang araw na ito dahil buong akala niya... babalik sa dati ang kanilang relasyon. Maling akala lang pala iyon.

Marahas niyang pinunasan ang luha sa pisngi at nanginginig ang kamay na binasa ang nilalaman ng divorce papers.

Wala siyang makukuha mula kay Chris kahit pisong duling ngunit hindi naman iyon ay naghatid sa kanya ng takot ng sandaling iyon.

Nakasaad sa dokumento na mapupunta ang bata kay Chris at hindi sa kan