CHAPTER 13

Mabilis na lumipas ang mga araw at naging maayos naman ang trabaho ni Caren kahit pa marami palagi ang ipinapagawa sa kanya ni Lyka. Ang trabaho na hindi na niya sakop ay binibigay pa nito sa kanya.

“Anong ginagawa niyo? Bakit si Caren ang gumagawa ng mga bagay na ito?” mahinahon na tanong ni Lovely pero nakakunot ang noo habang nagsasalita.

“Sa tingin ko po kasi ay dahil bago siya dito kaya ito ang dapat niya na matutunan.” si Lyka ang sumagot.

Magsasalita na sana si Lovely pero inunahan na siya ni Caren.

“Okay lang po, kayang-kaya ko naman po ito. Pumasok po ako dito para matuto.”

Lihim namang napangiti si Lovely sa kanyang narinig. Ngunit kabaliktaran naman ang nararamdaman ni Lyka dahil naiinis siya sa babae. Ginagawa niya ang lahat para sumuko ito pero matibay ito.

“May natutunan ka naman ba sa buong linggo mo dito?” Tanong Lovely kay Caren.

“Opo, nakakabisado ko na po ang mga gawain dito.” Nakangiti na sagot ni Caren.

“Mabuti naman kung ganun.”

“Sigurado ka ba talaga na mayroon