Chapter 4 - Complicated Decision

            “Magtatrabaho ako para sa iyo hanggang sa makabayad ako sa pagkakautang ng aking ama. Kapalit noon ay hindi mo pakikialaman ang mga mahal ko sa buhay.” Dagdag pa ni Taira.

            Ngumisi ng nakakaloko si Chard.

            “Sa tingin mo makakaalis ka pa sa lugar na ito sa laki ng pagkakautang ng ama mo?” sagot ni Chard na siya namang pagdating ni Negi.

            Naningkit ang mga mata ni Taira sa tinuran ni Chard. Anyong magsasalita pa siya nang muli itong magsalita.

            “Huwag na huwag mong susubukang tumakas dahil isang utos ko lang sa mga tauhan ko, tapos ang buhay ng ama at mga kapatid mo.” dagdag pa ni Chard.

            “Sige na Negi ayusan mo na yan siguraduhin mong magmumukhang tao yan!” halatang nagpipigil sa galit si Chard.

            Sumunod naman si Negi at hinila na siya palabas ng kwarto.

            Hinabol na lang siya ng tingin ni Enzo hanggang sa maisara ang pinto.

            Dinala siya ni Negi sa isang kwarto na puno ng mga babaeng kapwa mga naka-kontodo makae-up at maiiksi ang mga suot na damit at halos lumuwa na ang dibdib sa suot.

            “Sheila!” tawag ni Negi sa isang babaeng nandoon na sa tingin niya ay kaedad niya lang.

            “Yes momshie!” sagot nito habang lumalapit sa kanila.

            “Ayusan mo ‘to. Bago nating babae yan.Pahiramin mo na lang ng damit yan, singilin mo na lang kapag kumita na siya.” Sabay tulak sa kanya ni Negi.

Pagkatapos siyang ayusan ni Sheila ay pumili naman ito ng damit para sa kanya.

Pakiramdam niya nangangati siya sa make-up niya, hindi talaga siya sanay magmake-up at magsuot ng maiiksing damit na kitang-kita ang hita niya at buong kaluluwa.

“Kailangan ba talaga na ganito ang mga suot ng mga nagtatrabaho dito?” tanong niya kay Sheila.

“Alangan! Paano ka magugustuhan ng mga customer kung mukhang manang sa Noli Me Tangere ang suot mo?” natatawang sagot ni Sheila.

“Bakit kailangan nila tayong magustuhan? Hindi ba mga waitress lang naman tayo dito?” nagtatakang tanong ni Taira.

“Waitress?! Hindi mo ba alam kung anong klaseng trabaho ‘tong pinasok mo? Saang lupalop ka ba nakuha ni Boss Chard?” tanong ni Sheila na ganun na lang ang pagkabigla.

“Malaki ang pagkakautang ng ama ko sa kanya kaya wala akong choice kundi magtrabaho para sa kanya hanggang sa makabayad ako kundi sasaktan nila ang pamilya ko.” malungkot na sagot ni Taira.

Nagsindi ng sigarilyo si Sheila bago sumagot at naupo sa tabi niya.

“Wala ng nakakaalis sa poder ni boss Chard oras na nandito ka na. Depende na lang kung may mayamang gustong bumili sayo sa nakakasulasok na lugar na ito. Matagal na ako dito, nasa limang taon na rin simula ng ipambayad ako ng ama kong sugarol kay boss Chard.” Kwento ni Sheila sa kanya.

“Babaeng taga-alis ng uhaw ng mga kalalakihan ang trabaho natin sa lugar na ito. Kailangan natin silang paligayahin sa kama para lang lagi silang bumalik dito at matuwa si boss satin.” May lamlam sa mga mata ni Sheila nang sabihin iyon.

“Kailangan nating sikmurain ang lahat ng mga nakakasama natin kahit amoy estero ang mga hininga ng iba.” Dagdag pa nito sabay buga ng usok ng sigarilyo.

Pagkatapos manigarilyo ay tumayo na ito at lumingon sa kanya.

“Lumabas ka na kapag handa ka na. Parating na ang mga customer natin.” Wika ni Sheila.

Nabigla man sa mga narinig sa totoong trabahong napasukan niya ay wala naman na siyang magagawa pa. Gusto niyang umiyak pero kapag naiisip niya ang mga kapatid, hindi siya pwedeng maging malambot. Hindi siya pwedeng sumuko. Kakaba-kaba man pero nagawa niyang lumabas sa silid na iyon at pumuwesto na sa isang kwarto kasama ang ibang mga babaeng bayaran din sa lugar na iyon.

Tinted ang dingding ng salamin sa kwartong iyon. Hindi nakikita ng mga babae ang mga lalaking customer na namimili ng ite-table nilang babae sa labas ng kwarto. Kapag napili ay tatawagan na lang sila sa intercom para puntahan sa isang private room ang nakapili sa kanila.

Ilang na ilang si Taira sa suot niya. Bagama’t walang panama sa kanya ang ibang mga babae na andoon na halatang marami ng lalaki ang nakagamit. Tayong-tayo ang malusog niyang dibdib, kahit malaki ang hita niya ay maliit naman ang kanyang bewang kaya sexy parin siyang tingnan. Halos mamaluktot siya sa isang sulok sa sobrang nerbiyos, wala pa naman siyang karanasan pagdating sa ganoong bagay dahil no boyfriend since birth siya.

Samantala, patuloy na sumasakit ang ulo ni Enzo sa isang client niya na naghahanap ng babaeng assassin. Ilang babaeng tauhan na niya ang pinadala niya rito pero wala namang nakakapasa para sa kanya. Dahilan nito ay may hinahanap pa siyang personality na hindi niya mahanap sa mga pinapadala nito.

Hinilot ni Enzo ang sentido niya. Maya-maya’y nagring ang cellphone niya, rumehistro ang pangalan ni Chard, Huminga muna siya ng malalim bago iyon sinagot.

“Hello.” Matabang niyang sagot.

“Ano ka ba naman Enzo walang kalatoy-latoy yang pagsagot mo, masyado ka ng nabubulok sa loob ng ahensiya mo. Try mo lumabas at mag-unwind. Natatandaan mo yung bago kong babae? Wala pang kumukuha, unahan mo na sila!” tudyo nito sa kanya.

Parang nakikita niya sa imahinasyon niya na napakalaki ng ngiti nito habang sinasabi iyon dahil alam nitong galante siya pagdating sa mga babae nito lalo na at nagustuhan niya ang performance ng mga ito. Sabagay, matagal na rin siyang hindi nakakatikim ng babae, kailangan niya rin iyon bilang stress reliever.

“Sige, mukhang kailangan ko nga yan. I need a break. Siguraduhin mo lang na wala pang nakakakuha sa bago mo ah? I-reserve mo na sa akin yan.” sagot niya rito, hindi niya alam kung bakit parang may maliit na kuryenteng kumiliti sa kanya nang maalala ang babaeng yun.

“Oo naman! Fresh na fresh ‘to. Mas fresh pa sa mga isda at gulay sa palengke.” Sabay buntot ng malakas na tawa ni Chard.

Kinuha niya ang coat at sumakay sa kotse at nagmamadaling pumunta sa Pentagon. Bihirang-bihira siya kumuha ng iisang babae lang kada punta niya sa Pentagon. Kada punta niya ay paiba-iba siya ng pinipili para hindi magkaroon ng inggitan ang mga ito. Lahat ay binibigyan niya ng magandang tip dahil alam niyang kapit sa patalim ang lahat ng mga babaeng nandoon sa club na iyon.

Pagdating niya sa Pentagon ay sinalubong kaagad siya ni Chard at binigyan ng maiinom na alak. Saglit silang nagkwentuhan at nang magkaroon ng iba pang customer si Chard na kailangan nitong i-entertain ay pinaakyat na siya nito sa taas kung nasaan ang kwarto para mamili ng mga babae. Pag-akyat ay agad niyang nakita sa pila ng mga babae si Taira bagama’t nasa sulok ito ay angat naman ang ganda nitong taglay.

“Taira! May customer ka na please proceed to room 104!” sigaw ni Negi sa intercom.

“Huy! May nakapili na sayo.” Siniko siya ni Sheila dahil nakatulala na naman siya.

“Huh?” parang wala sa sarili si Taira nang tumayo at pilit na ibinaba ang maiksing suot.

“Room 104. Kaya mo yan.” Bulong ni Sheila sa kanya saka may palihim na inipit sa palad niya. Kinuyom lang niya ang kamao saka lumabas ng kwarto. Dahan-dahan siyang lumakad papunta sa kwartong iyon, sari-saring isipin ang pumapasok sa utak niya. Virgin pa siya. Ano ang gagawin niya? Lalaban ba siya o magpapaubaya na lang? Sabi pa naman niya sa sarili niya na regalo na niya sa magiging asawa niya ang virginity niya. Gustong umiyak ni Taira pero hindi siya pwedeng panghinaan ng loob. Sakripisyo ang tawag sa ginagawa nya para sa pamilya.

Nasa tapat na siya ng kwartong iyon. Room 104 ang nakalagay na numero sa tapat ng pinto nito. Isang beses lang siyang nagdoorbell pagkatapos ay parang gusto na niyang tumakbo palayo sa lugar na iyon.

“Taira?” tawag ng isang boses.

Napatingala siya sa nagmamay-ari ng boses na iyon.

“Ikaw?” kumunot ang noo ni Taira.

“Tatayo ka lang ba diyan o papasok ka?” wika ni Enzo na niluwangan ang pintuan.

Walang magawa si Taira kundi ang pumasok. Mukhang ito pa ang makakauna sa pagkababae niya. Nakatayo lang siya sa gitna ng sala nang makapasok at nakikiramdam.

“Pwede kang maupo.” Inginuso nito ang sofa. Saka naghanda ng pagkain sa mesa.

Dahan-dahang naupo si Taira. Pinagmasdan niya si Enzo habang naghahanda ng pagkain. Bakit kumukuha pa ito ng mga babaeng bayaran? Kung tutuusin sa kagwapuhan nito at matipuno nitong pangangatawan ay siguradong maraming babaeng nagkakandarapa na makasama ito sa kama. Nanatili lang siyang nakatitig dito.

“Kain na tayo.” Alok nito sa kanya. Nanatili namang walang imik si Taira.

“Halika na muna at kumain muna tayo. Siguradong hindi ka pa kumakain.” Hinila ni Enzo ang kamay niya saka siya sumunod dito. Hinila nito ang upuan para sa kanya.

Habang kumakain ay kapwa sila tahimik. Pinagmamasdan siya ni Enzo habang kumakain. Nasaan na yung Taira na na-meet niya week ago sa kalsada na napakataray at mukhang hindi magpapatalo? Sa isip-isip niya. Pagkatapos kumain ay naghubad ng pang-itaas si Enzo, alam ni Taira na hudyat na iyon na magsisimula na sila.

Kusa na siyang pumasok sa kwarto nito at naupo sa tabi ng kama. Pumasok na rin si Enzo sa kwarto at naupo sa tabi niya.

“Taira, are you sure about this?” tanong niya rito.

“May choice ba ako?” tanong dito ni Taira saka nangilid ang luha sa mga mata niya.

“Don’t worry I’ll be gentle.” Sagot ni Enzo.