Chapter 56: Healing Wounds

Bakit niya ‘ko niyaya sa isang date? Ang gulo, naguguluhan ako sa kaniya.

“Haist! Bahala na nga, ‘di ko naman malalaman kung hindi ko susubukan,” sabi ko sa sarili habang pasakay ako ng elevator.

After naming mag-usap tungkol do’n umalis na rin siya. Nag-usap lang kami saglit at nag-paalam na siya na aalis na. Hindi na ‘ko nag-tanong kung saan siya pupunta pero base sa suot nito, halatang papasok na sa trabaho.

Bago ako bumalik ng opisina ay dumaan muna ako sa pantry para mag-timpla ng kape. Inaantok na naman kasi ako kahit mahaba naman ang naging tulog ko kanina.

“Ay malaking tao!” Gulat na sambit ko.

Jusko! Bakit siya nandito? Napapikit na lang ako habang nakahawak sa dibdib ko. Nagulat talaga ako sa presensiya niya. Hindi ko inaasahan na nandito siya sa pantry.

"I'm sorry, I didn't mean to startle you. Are you okay?" Nag-aalala na sambit niya nang makalapit ito sa akin. Med’yo nagulat ako sa inasta niya pero bigla akong umatras bago pa niya ‘ko mahawakan.

“O-Okay lang po ako, sir,”