Chapter 61: New Home

Anong oras na kaya? Bakit parang naririnig ko na ang tunog ng alarm clock?

Uminat muna ako bago kinapa ang cellphone ko na nasa ilalim ng unan. At nakapikit pa ang kanang mata ko nang buksan ko na ito.

“5:30 am … great.” Nauna pa ‘kong nagising kaysa sa alarm clock ko. Kaya bumangon na ‘ko para maghanda na ng almusal. Pero bigla kong napagtanto na wala pala kami sa bahay.

Jusko, ba’t bigla kong nakalimutan?

Napalingon ako kay Aaron, mahimbing pa rin siyang natutulog habang nakayakap sa unan. Nagdesisyon na ‘kong tumayo para magluto na ng kakainin naming almusal. Nakakahiya naman na ang tatay niya pa ang magluluto para sa’min.

“Oh, parang wala naman ‘to rito kagabi,” sambit ko nang makita ang isang white fitted dress, chanel bag, at isang black na blazer. Bukod pa roon, isang black high heels at hygiene kit.

Siya kaya ang naghanda nito? Pero wala naman kaming pasok sa trabaho ngayon.

“Kanina ka pa nagising?” Tanong ko nang makalabas ako sa kwarto. Naabutan ko siyang nasa kusina. At hum