Chapter 63: Meeting the Family Gone Wrong

Pinakilala nga ako ni Mrs. Montero sa pamilya niya at nagpakilala rin sila sa akin. Mukha naman silang mabait pero hindi ko lang alam kung tanggap ba nila ako sa pamilya nila. Pero ayos lang kung hindi, kahit ang anak ko na lang ang tanggapin nila.

Kasalukuyan kaming kumakain ngayon ng tanghalian. Pinagigitnaan ako ni Aaron at Zach, at tahimik lang ako na nakikinig sa usapan nila. Sa totoo lang parang gusto kong umuwi kasi feeling ko etsapwera lang ako sa pamilyang ito. Hindi ko ramdam ang buong pusong pagtanggap nila sa akin.

“Athena, right?” Tanong ni Sydney, isa sa mga babaeng pinsan ni Zach.

Kasing edad ko lang siya pero malabo na makaka-close ko siya. Maganda siya pero mukhang suplada. Siya lang ang nag-iisang hindi pumansin sa’kin kanina.

“Umm, oo …” nahihiyang tugon ko.

“Kailan naging kayo ni Ellie? Because I thought he had a relationship with Lauren,” aniya na ikinatahimik ko. Agad akong napatingin kay Zach ngunit ang seryoso na ng mukha niya ngayon.

Paano ko sasagutin ang tan