Chapter 60: Decision Has Been Made

“Huwag kalimutan ang mga bilin ni mommy, okay?” Paalala ko sa kaniya nang palabas na kami ng bahay. Bitbit ko na rin ang isang maliit na maleta na may lamang mga damit niya na kasya sa dalawang araw at iba pa niyang kakailanganin doon.

“Opo, mommy, hindi ko po ‘yon kakalimutan,” sagot niya bago ngumiti sa akin.

Nagdesisyon ako na patirahin muna siya ng dalawang araw doon sa bahay ng lola niya. Ito na lang ang naisipan kong gawin para hindi ako tumira sa puder ng tatay niya. Ayokong makagawa ng isyu nang dahil lang doon lalo na’t wala naman kaming relasyon na dalawa. Pumayag naman si sir Zach sa gusto ko na doon muna tumira si Aaron sa kanila tuwing linggo at uuwi na lang siya rito sa bahay kapag may pasok na siya kinabukasan.

Ayokong gawing komplikado ang sitwasyon namin ng tatay niya kaya kahit na mahirap na malayo sa’kin ang anak ko titiisin ko para sa ikatatahimik ng buhay naming mag-ina.

Nang makarating kami sa labas ng bahay, naabutan na naming naghihintay ang tatay niya sa kaniy