Chapter 55: A Leap of Faith

Napapikit na lang ako habang dinadamdam ang hangin na tumatama sa aking mukha. Ang sarap sa pakiramdam at nakakawala ng stress sa katawan. Sana dati pa ginawa ko na ‘to para naman kahit papa’no maibsan ang pagod na nararamdaman ko.

“Athena …” Rinig kong tawag sa’kin ni Vanessa. Nasa tabi ko lang siya at nakahiga rin katulad ko.

“Hmm?” Tanging naisagot ko. Nanatili pa rin akong nakapikit pero pagkalipas ng ilang segundo dumilat na rin ako para lingunin siya.

“Sigurado ka na ba sa desisyon mo?” Aniya dahilan para umiwas ako ng tingin sa kaniya.

Hindi agad ako nakasagot sa halip napabuntong hininga na lang ako at napatingin sa dagat.

“Oo, kapag hindi ako bumalik do’n baka kung ano pa ang isipin ng mga katrabaho ko. Ayoko namang mangyari ‘yon at baka maging daan pa ‘yon para pag-isipan nila ako ng masama,” tugon ko.

“Hindi ba dahil sa pinigilan ka niya?”

Bigla akong natahimik dahil sa tanong niya. Ang tinutukoy niya ay no’ng pigilan ako ni Zach na huwag mag-resign sa trabaho. Pero hindi n