Episode 4: Charm And Deceit

Millow's POV

"Millow..."

Napatingin ako kay Aling Zenya nang inguso nito ang kinaroroonan ng mga bisita. Halos isang buwan na'kong naninilbihan sa pamilyang ito kaya nakaka-adjust na'ko kahit papa'no maliban na lang sa pag-uugali ng isa kong amo—kay Lake. Hindi na naulit ang pagbisita nito sa bahay namin pero parang sirang plaka ito sa paulit-ulit nitong pananakot sa'kin. Wag ko raw isumbong kay Sir Lambert ang sekreto niya.

"Mag-serve ka na sa mga bisita, ano ka ba. Tulala ka na naman diyan." May kasama na itong siko mula sa matanda. "Puntahan mo rin si Sir Lake sa unit na inokupa niya pagkatapos ng paghatid mo ng pagkain sa mesa."

"B-bakit daw po?" Pero nakatalikod na ang matanda nang lingunin ko. "Kainis ah," naibulong ko na lang. "Bakit ba palagi na lang kami may session ng Lake na 'yon?"

Ano na naman kaya ang kasalanan ko at pinapatawag ako ng lalaking iyon? Nasa resort kami ng mga Monteverde at ngayong araw nga, espesyal ito para sa lahat dahil nagsidatingan na ang dadalo sa kaarawan ni Sir Lambert, ang ama ni Lake. Sa lahat ng mga Monteverde, ang matanda ang pinakaborito ko dahil napakabait nito sa lahat. Sana lang minana ng Lake na iyon ang ugali ng ama pero hindi eh, parang dinosaur sa kasungitan ang lalaking iyon.

"Ehem, Sir Lake?" Nilakasan ko ang pagkatok ko sa pinto nang makarinig ako ng tawanan sa loob. Nang walang sumagot, kusa ko nang tinulak ang 'di naka-lock na pinto. "Sir Lake, pinapatawag niyo raw po ako?"

Para akong natulos sa kinatatayuan ko nang salubungin ako ng matalim na titig nito, "Millow, fuck! Kusa ka na lang pumapasok rito!"

Napalunok ako ng laway nang matuon sa'kin ang tingin ng lahat. Mga kapatid ni Lake ang nandito kasama na si Selene na masama rin ang tingin sa'kin. Ang bruha, nakahilig pa sa dibdib ni Sir Leighton. Akala mo naman ang tino-tino. Biglang naningkit ang mata ko nang mapatingin ako kay Lake bago kay Selene. Ang mga manloloko! Naawa ako kay Sir Leighton.

"Sabi ni Aling Zenya, sir, pinapatawag mo raw ako?" Bumalik ang tingin ko kay Lake na lalo yatang dumilim ang mukha.

"Oh, yeah." Biglang saad nito," But not here, Millow, may mahalaga tayong pag-uusapan ukol sa trabaho mo."

Napaayos ng upo si Selene nang marinig ito sabay sabi, "Lake, 'di ba dapat wala na ang babaeng iyan dito?"

Kinabahan ako. Tatanggalin na ba ako ni Lake sa trabaho ko? Hindi pwede!

Napatikhim naman si Leighton sabay kabig kay Selene, "What do you mean, honey? Walang ginagawang masama 'yang bata, eh. Ba't ba ang init ng ulo mo kay Millow?"

"Basta, ayoko sa kanya!" Pinal na saad ng babae.

"What?" Nangunot ang noo ni Leighton nang mapatingin sa fiancee. "Ano'ng kasalanan ni Millow sa'yo, Selene? Lahat ng katulong dito sa bahay inaaway mo 'pag 'di mo feel."

Baka dahil siguro alam ko na may relasyon itong patago kay Lake kaya ako lagi ang pinagbubuntunan nito ng galit? Nitong mga nakaraangg linggo kasi, bantay sarado na ako ni Lake. Laging nakasunod sa'kin ang lalake dahil sa kawalan nito ng tiwala kahit pa nag-promise akong mananahimik na lang; na baka magsumbong ako bigla at mabuking ang bawal na relasyon ng mga ito. Iyon lang ang nasa isip ko ngayon.

"D-dahil ba 'yon sa sekreto mo, Selene?" Pamisteryoso na may kasamang nang inis na tanong ko at nakita ko kung pa'no nandilat ang mga mata nitong napuno na yata ng eyeliner ang paligid.

"Sekreto?" Saka naman pumasok si Lambert nang nakangiti kasabay si Lander, ang bunsong anak nito. "What's going on?" takang tanong ng matanda. "Ano'ng sekreto, iha?"

Napaawang na lang ang labi ko sa pagsulpot ng matandang Monteverde. Tumahimik na lang bigla sa loob nang tingnan ako nito.

"Ikaw ang bagong hired na katulong, 'di ba? Ahm—Mi?" nakangiti nitong tanong.

"Millow po," nahihiya kong sagot. Napapitlag ako nang hawakan ako ni Lake bigla sa braso. Wari'y may banta ang mahigpit nitong pagpisil sa braso ko kaya napatikhim ako. "S-Sir Lake, labas po muna ako."

Kinakabahan ako nang ngumiti lang ang lalaking napakaguwapo sa paningin ko. Sa pagtitig ko sa mga mata niya, parang nawala ang inis ko kay Selene. Sana akin ka na lang—hiyaw ng isip ko.

"Siya ang sinasabi ko sa'yo, Dad." Seryoso nang saad ni Lake sabay tingin sa'kin. "Mag-uusap muna kami dahil hindi na siya magiging katulong sa bahay na'to."

Natakot ako sa pagtanggal niya sa'kin ng trabaho kaya bumwelta agad ako. "Eh, Sir Lake, mahina ang isda ngayon kaya walang masyadong kita sina Tatay at Nanay. Kailangan ko po ng trabahong ito." Napayuko ako sabay pinanlamigan ng mga kamay ng walang ano-ano'y nakatayo na sa harap ko si Selene. "Ma'am?" Tumabingi bigla ang ngiti ko nang makita ko ang pandidilat ng mga mata niya.

"Millow!" mariing bigkas nito ng pangalan ko. Hinawakan pa ng babae ang baba ko para itaas ang mukha ko at saktong nagsukatan kami ng tingin nang hawiin naman ni Lake ang kamay nito. "How dare you barge without knocking on the door? You should respect people's privacy and please knock or ask for permission before entering someone's space." Malumanay na nitong saad sabay tingin nang malagkit kay Lake pero kitang-kita ko kung pa'no tumaas ang isang kilay niya bago ito tumalikod pabalik kay Leighton.

Pabuka na sana ang bibig ko para sabihing kumatok naman ako pero nahawakan na ni Lake ang isang braso ko para ilabas ako.

"Excuse us." Paalam ni Lake sa lahat habang hawak pa rin ako nito sa braso.

Napakatalim ng titig ni Selene sa'kin nang mapalingon pa'ko sa loob ng unit. Ano kaya kung akitin ko rin si Lake total ikakasal naman na ito kay Leighton? Grabe! Ano ba itong pumapasok sa utak ko? Sa lounge area nakaupo ang lahat nang mapasukan ko kanina habang nagtatawanan. Wala talagang kaalam-alam si Sir Leighton sa pinaggagawa ng kapatid at mapapangasawa nito.

"This is not good, Millow." Pagalit na sita ni Lake nang wala nang tao sa hallway na nilalakaran namin. "Muntikan ka nang madulas kanina, damn it! I thought everything was settled on that issue between us." Halos kaladkarin na'ko ng lalake papunta sa pinakadulong unit ng resort.

Nang makarating kami roon, bigla niya 'kong pinasok sa loob ng isang unit. May maliit na sala at isang bedroom ang unit ng pinasukan namin. Napasinghap ako nang bigla na lang niya 'kong isandal sa pader. Naka-lock na rin ang pinto nang pabalya itong isara ng lalake. Bigla akong kinabahan nang mapatitig ako sa mga mata niya at 'di ko talaga inaasahan ang mga sumunod na nangyari.

Dumampi ang mainit nitong labi sa bibig ko at talagang natulos ako sa kinatatayuan ko. Napapikit ako nang gumalaw ang labi niya pero napasinghap naman ako nang pakawalan niya ang bibig ko. Ang bilis ng pangyayari. Hindi ko alam kung ano ang nangyari pero hinalikan niya 'ko, ito lang ang rumehistro sa utak ko. Hindi ako halos makapagsalita habang nakatitig sa mukha niya.

"You know, Millow," pumungay ang mga mata ni Lake nang titigan ako sabay ngiti. "I know I'm your first kiss, right?"

Napatango ako kasabay ng pag-ulap ng mga mata ko. Wala akong naririnig na iba pang tunog bukod sa malakas na tibok ng puso ko at boses niya.

"One more time na madulas ka pa sa harap ng pamilya ko, hindi lang ganito ang matitikman mo."

"A-ano po?" naguguluhan ako sa kanya.

"Gusto mo bang ikaw na lang ang gawin kong patagong nobya?" Nakangisi na ito nang hawiin ang ilang hibla ng buhok ko sa mukha. "Akala mo hindi ko napapansin—" Binitin pa nito ang sasabihin nang padaanan ng daliri nito ang labi ko. "Alam kong may gusto ka sa'kin and I am willing to do so, but there are no conditions."

Diyos ko! Bakit ganito? Naramdaman ko ang pagdidikit ng mga katawan namin at ang init na umuusbong sa katawan ko ay 'di ko ma-explain.

"S-sandali lang po, sir." Naitulak ko siya pero sadyang ayaw magpatalo ng lalake lalo na't mas malakas ang pwersa niya. "Si Selene, sir, 'di ba karelasyon ka niya?"

Napabitaw bigla ang binata sa kanya nang marinig ito. Nayamot ito bigla nang mabanggit niya ang pangalan ni Selene.

"That woman." Napapailing ito nang itukod ang isang kamay sa pader kasabay ng pagsinghap ko dahil guminhawa ang pakiramdam ko bigla. "Millow, don't worry about her. Alam mo ba kung ba't ko siya pinatulan?"

Na-curious ako. "B-bakit po?"

"Because I hate gold diggers. Ginagamit lang ni Selene ang kapatid ko!" Inayos ni Lake ang damit nito bago ito ngumiti nang nakakaloko. "I hope you enjoyed that quick kiss. There's more to come basta sundin mo lang ako dahil simula ngayon, you're my personal maid."

Ang ibig sabihin nito, si Lake lang ang pagsisilbihan ko? "Ano'ng ibig mong—"

"Ako lang ang pagsisilbihan mo simula ngayon, Millow. Nag-usap na kami ni Dad na mag-hire ng ibang kapalit mo. I need you as my personal maid and secretary."

Level up! Nawala ang kaba ko dahil akala ko tatanggalin na'ko ni Lake sa trabaho. Kailangan ko ang pera para tuloy-tuloy ang pag-aaral ko ng Associate in Computer Secretarial course sa private school sa bayan. Discounted naman ako kahit papa'no dahil may scholarship akong natanggap sa gobyerno pero hindi iyon sapat para matustusan ang lahat.

"Para hindi ka mawala sa paningin ko," dugtong ng binata kasabay ng paniningkit ng mga mata nito. "I don't trust you, Millow, but I still need you."

Napanganga na lang ako. Kay lalim ng hugot niya at ang puso ko, bakit ganito? Hindi ko maipaliwanag ang nararamdaman ko. Nagkakagusto na yata ako sa amo ko at hindi ko mapigil ang damdaming iyon na kahit isang buwan pa lang ako rito, crush ko na siya. Kahit pa suplado ito, konting lambing lang nito'y bumibigay ang mahina kong puso.

Aniya. "There's a spare bed in my room and a cabinet for your things. Ilipat mo ang mga gamit mo sa kwarto ko dahil magiging stay-in ka na."

"Sir, hindi pa'ko handa. Ang bata ko pa." Nalilito ang isipan ko sa sinasabi niya. One day lang, kami na agad?

Dagdag pa nito, "My life, my own rules! Sa kwarto na kita patutulugin para masiguro kong mabantayan ang bawat kilos mo laban sa'kin. Ikaw ha." Nakaduro na ang ang hintuturo ng lalake sa mukha ko pero wala akong maatrasan. "I don't trust you! Kapag nalaman ni Daddy ang relasyon ko kay Selene, mawawalan ako ng mamanahin. I will drag you to hell once my secret is exposed. You can never destroy me, kid." Pabalibag na isinarang muli ni Lake ang pinto nang makalabas na ito.

Kid? Matapos niya 'kong halikan? "Bwisit ka, L-Lake." Napahawak ako sa labi kong nalawayan niya. "Mai-inlove ka rin sa'kin, pilyo ka. Watch me! Gagawin ko ang lahat para magustuhan mo'ko. Mapapasunod kita sa nais ko, Lake Monteverde, by hook or by crook. Whatsoever!"