Chapter Ten

"Hi! Can I sit here?" Nakangisi kong tanong sa mga babae. 

"Yeah! Sure, sure." Inalalayan nila akong umupo sa tabi nila. 

Sanay ako sa iba't ibang bar dahil madalas na pinupuntahan namin na trabaho ni Alfredo ay sa mga ganito. Kadalasan kasi ay sa mga ganito ginaganap ng mga mayayamang negosyante ang ilegal na negosyo. 

Humagikgik ang mga babae at tumabi sa akin. Hinaplos ng isa ang hita ko at idiniin ang dibdib sa braso ko. 

Anak ng... 

Halos manginig ako sa pandidiri dahil sa ginagawa nya. Ano ba naman 'tong pinasok ko? Tsk! 

"Sayaw tayo." Tumayo ang isang babae at ganon din ang ginawa ng isa. Kinuha ang kamay ko at pilit akong hinihila patayo. 

"Later," sabi ko. Ngumuso sila at umalis papuntang dance floor. 

Ngayon ay itong isa na lang babae ang problema ko. Bumulong sya sa tenga ko. 

"What's your name, handsome?" malambing nyang sabi habang itinataas baba ang kanyang kamay sa hita ko. 

Palihim ko itong tinatanggal at saka sya ngingitian. 

"Blake," walang paligoy ligoy na sabi ko. 

Malandi syang tumawa at kumagat sa kanyang labi. Napangiwi ako sa ginawa nya. 

"Blake, handsome name as you are." 

Kung pwede lang syang ibalibag ay ginawa ko na kaagad. Muntik ko pa tuloy makalimutan ang pakay ko kung bakit ako nagpunta rito. Nakaharap ako mula sa pwesto nila Zack. 

Hindi ko marinig ang mga pinag-uusapan nila dahil malakas ang tugtog kahit pa malapit lang ang table namin sa kanila. 

Pansin kong konti pa lang ang inumin na nakalagay sa table nila. Sila Seth ay nagtatawanan habang si Zack ay seryoso ang muka at parang may malalim na iniisip. Habang si Atasha ay malapit kay Zack at may kung ano yatang ibinubulong. 

Kumunot ang noo ko sa nakita. Ha? Bakit kukunot ang noo ko? Siraulo kang noo ka! 

Hindi ko na naririnig ang ibinubulong ng babaeng katabi ko dahil nakadirekta na ang mga mata ko kay Zack at Atasha. Lumikot ang mga mata ni Zack at parang may hinahanap. Saktong nagtama ang paningin namin nang mapatingin sya mismo sa gawi ko. 

Nagulat man ay hindi ko ipinahalata. Nagkunwari akong busy sa pakikipaglandian sa malanding babaeng nasa tabi ko.

Hinila ko ang babae patayo para yayain sa dance floor. Maiwan nga ito roon. Habang naglalakad kami papunta roon ay pasimple nyang hinawakan ang pang upo ko. Napatalon ako sa ginawa nya samantalang sya ay lumapad ang ngiti. 

Tang..i..na? Ganyan ba sya kadesperada? Muntik ko syang masapak dahil sa ginawa nya. 

Nang pumikit sya sa pagsasayaw ay nagmadali akong umalis sa dance floor. Nagtungo ako kung nasaan ang mga waiter na nagse-serve ng mga alak. 

Nang may makita ako sa isang pinto na palabas ay tinanong ko ito. 

"Brad, san mo iseserve 'yan?" malaking boses na tanong ko rito. 

"Doon po." Itinuro nya kung saan naka upo sila Zack. 

"Palit tayo." Wala akong sinayang na oras nang hilahin ko sya papunta sa men's restroom. Ini-lock ko ang pinto upang walang ibang makapasok. 

"Po? Ano pong gagawin natin sir?" kabadong tanong nya. 

"Palit tayo ng damit." Pumasok ako sa isang cubicle at tinanggal ang lahat ng damit sa katawan. 

"Ano pang hinihintay mo? Ako na magseserve, babayaran kita ng malaki," pagalit kong sabi. 

"Pero mapapagalitan po kasi ako-" 

"Ako ang bahala." I assured him. 

"O-opo." Narinig ko ang pagbukas ng panibagong cubicle. 

Nagpalitan kami ng damit, tutal ay payat lang naman si Kuya. Naging handa na ako pagkalabas ko. 

"Tandaan mo ang bilin ko, magsaya ka muna habang ako ang may suot nitong damit mo." Tinapik ko ang balikat nya. 

Kinuha ko mula sa kamay nya ang order nila Zack. Naglakad ako papunta roon. Malayo pa lang pero bakit nakakaramdam na ako ng kaba? Siguro'y dahil sa may malalaman akong impormasyon ngayong gabi kaya excited lang siguro ang katawan ko. 

Umasim ang muka ko nang inilagay ni Zack ang kaliwang braso sa likod ng sandalan ni Atasha at may ibinulong dito. Nakangisi sya ngayon habang ginagawa iyon. Ito namang Atasha ay humahalakhak at may pahampas pa sa dibdib ni Zack. 

Nang makalapit ay pabagsak kong ibinaba ang lalagyanan ng mga alak. Nagulat sila sa ginawa ko at maski ako rin ay nagulat. Napatingin silang lahat sa akin dahil sa nangyari. 

"Pasensya na po," hingi ko ng paumanhin. 

Tumango lang sila Seth. Kunot noo akong tumingin kay Zack na ngayon ay walang emosyong nakatingin sa akin, ngunit ang mga mata ay may sinasabing hindi ko mawari. Napalunok ako nang tumitig sya ng diretso sa mga mata ko, para akong napapaso sa titig nya pa lang kaya agad kong iniiwas ang paningin ko. 

Dinirekta ko ang mga mata sa bote ng alak. Sinigurado kong maingat na ang bawat galaw ko at dahan dahan upang makapakinig ng mga pinag-uusapan nila. Isa isa kong ibinaba sa table nila ang mga bote. 

"Zack, nakauwi na ba ang Lolo mo?" Napapalakpak ang tenga ko nang marinig ang tanong ni Seth. 

"Nope," tipid ang naging sagot ni Zack. 

"Ah I see, haha. Kung nandito 'yon sa pinas ay malamang hindi ka payagan ngayon," natatawang sabi ni Seth. 

Wala sa pilipinas si Don Alejandro? Hmm.

"Mabuti na lang talaga at busy sa negosyo ang Lolo mo," sabi ng isang lalaking katabi ni Seth. 

Busy sa illegal na negosyo. Gustuhin ko mang sabihin 'yan ay hindi ko ginawa. 

"Yeah," bored na sagot ni Zack. 

Hindi na nasundan pa ang usapan tungkol sa Lolo ni Zack. Ibang topic na ang pinag usapan nila kaya kinailangan ko nang umalis at baka nakakahalata na si Zack. Duda talaga ako sa talas ng pakiramdam nya. Tinuruan din kaya 'yan ni Don Alejandro na maging magpagmasid sa paligid at pakiramdaman ang mga taong umaaligid? 

Malamang Sky! Kaya kailangan kong magdoble ingat. 

Tumalikod na ako sa table nila. Inihakbang ko ang isang paa ko ngunit natigil ito sa ere nang tawagin ako ni Zack. Dalawang araw pa lang pero kilalang kilala ko na ang boses nyang malalim at nakakapag pataas ng balahibo. What?! Nakakapagpataas ng balahibo? I didn't say that thing huh? 

"Waiter!" Malakas ang pagkakabigkas nya nang tawagin ako dahil kapag hindi nya iyon ginawa ay mawawala lang sa tugtog ang sinasabi nya. 

Lumingon ako at lumapit. 

"Anything Sir?" Nakangiti kong tanong. 

Pinakatitigan nya ako na parang nakikilala nya ako. Hindi ko alam pero napalunok ako at pakiramdam ko'y pinagpawisan ako ng husto. 

Damn! Bakit ganito ang nararamdaman ko? Kumunot ang noo nya saka sya sumagot. 

"Nothing." Tinagilid nya ang ulo nya at saka ngumising pinaglaruan ang labi. 

Sira ulong 'to! 

Kinunot ko ang noo ko at tinanguan sya, humakbang na ako paalis sa table nila. Peste! Bakit nanginginig ang tuhod ko? 

Nakipag palitan ulit ako kay Kuya Vic ng damit. Nakilala ko sya dahil sa name plate na nakalagay sa kaliwang dibdib nya. 

Nagpunta ako ngayon sa bar counter at doon na lang umupo kaysa makisalamuha pa ako sa mga babaeng kanina ay kasama ko sa table. 

Tinignan ko mula rito sila Zack. Inisahang inom nya ang baso ng alak saka tumayo. Nung una ay hindi ko pa nagets ang gagawin nya ngunit nang makita si Atasha na nakatayo at hinihintay sya ay doon ko lang naintindihan. Magsasayaw sila. 

Dumiretso sila sa dance floor at doon nagpakawala ng malanding sayaw si Atasha sa harap ni Zack. Nakagat ko ang pang ibabang labi dahil sa nakita. Umiwas ako ng tingin at um-order ng isang shot ng tequila. 

Kahit ayaw ko silang tignan ay mata ko mismo ang tumatraydor sa akin. Nahirapan akong lumunok nang mag grind si Atasha habang si Zack ay madiing nakahawak sa bewang nya. Peste! Ganyan ba ang magkaibigan lang? Baka mali lang ang nakalap na info ni Alfredo? Kailangan kong itanong ulit sa kanya at nang madouble check. 

May binulong si Atasha sa kanya at parehas silang natawa. Paulit ulit akong umorder at paulit ulit ko rin itong iniisahang lunok. Parang wala ngang lasa kung maka inom ako. 

Nang tumayo ako ay bahagyang umikot ang paningin ko. Shit! Nasobrahan ko yata. Ang pabaya mo Sky, isang kang malaking bobo! 

Ano ba 'tong ginagawa ko?

Biglang nagvibrate ang phone ko sa bulsa ng pantalon. Paniguradong si Alfredo 'to. 

Wrong timing naman 'to kung tumawag eh! Mamaya na kita sasagutin pagka-uwi ko. 

I guess kailangan ko na ring umuwi. Sapat na ang impormasyong narinig ko mula sa kanila. Marami pang mga araw kaya hindi ko dapat minamadali ang lahat. 

Naglakad na ako palabas ng bar at hindi na ako nag abalang lumingon pa. Ang laswa ng nakita ko kanina. Feeling ko ay iyon ang pinaka nakakasukang nakita ko. Biruin mo 'yon? Mag kaibigan lang pero kung maglandian ay harap harapan? Tsk! Napailing ako sa naisip. 

Tinignan ko ang phone ko. Naka dalawang missed calls si Alfredo. Ang tracking device naman ay nagsasabing nasa loob pa ng bar ang pinaglagyanan ko. 

Makikita ko bukas kung nakanino ang tracking device. 

Pinara ko ang taxi na dumaan. Sumakay ako at sinabi ko kung saan ang apartment ko. Nang makarating ay nagbayad ako at bumaba. 

Shit! Nakalimutan kong hindi pa pala ako kumakain ng hapunan. Malakas akong napasampal sa noo ko. Uminom ako nang hindi pa nakakakain.