Chapter Fourteen

Masaya akong pumasok sa next subject. Hinatid ulit ako ni Seth sa room at nagpaalam din sya sa aking papasok na rin. 

Habang nagka-klase ay panay ang ngiti ko. Halos hindi na yata natanggal ang ngiti sa labi ko hanggang sa matapos ang klase at mag tanghali na. 

Kanina pa inis sa akin si Atasha dahil sa weirdong ngiti na ipinapakita ko. Bawat tingin ko kasi sa kanila ay nakangiti ako o 'di kaya naman ay bumabati ako. Si Zack naman ay pinagtataasan lang ako ng kilay at sinusungitan ako gamit lang ang kanyang muka. 

"Talaga? Friend mo na si Seth?" hindi makapaniwalang tanong ni Allison at ni Almira. 

"Waaaahhh! Omo! Swerte mo Sky, pakilala mo kami." Binatukan agad ni Allison si Almira dahil sa sinabi. 

"Boba! Anong ipakilala? Sila ba? Friend lang sila hindi magjowa." Irap ni Allison sa kapatid. 

Kinuwento ko sa kanila ang nangyari kanina. Tuwang tuwa ang mga loka, sinabi nilang isa rin si Seth sa ultimate crush nila. 

"Sky bagay Seth." Ngumisi naman si Kio. 

"Oo nga! Bagay kayo," singit ni Almira. 

"Psst, tigil nyo nga 'yan. Friend lang kami." Umiling ako para bawalin sila. 

"Sky," paulit-ulit na tinawag ni Allison ang pangalan ko at pinanlalakihan ako ng mata. Pasimple nya pa akong sinisiko sa tagiliran upang magets ang pinapahiwatig nya. 

"Huh?" Kumunot ang noo ko dahil hindi ko sya magets. Kulang na lang kasi ay mangisay na sya sa kina-uupuan nya. 

"Hi, pwede ko bang mahiram si Sky?" Bigla akong napatingin sa pinanggalingan ng boses. 

Kaya pala...

"Oo! Pwedeng pwede Seth, kahit 'wag mo nang ibalik." Ipinagtulakan ako ni Allison hanggang sa makatayo. 

"Teka, 'di pa 'ko tapos kumain," angal ko. 

"Doon ka na lang sa table namin." Ngumiti si Seth saka kinuha ang tray ng pagkain ko. 

"Go!" They mouthed. 

Kumamot ako sa ulo ko at sumunod na kay Seth. Syempre ako tuwang tuwa dahil makakasama ko sila Zack at makakapa-kinig ng mga kwento nya. 

"Sit here," utos ni Seth. Itinuturo ang katabi nyang upuan. 

Sa harap namin ay si Zack at si Atasha na hindi ko matanto kung naglalampungan o ano, tumigil lang sila nang mapansin kami ni Seth. 

Agad kumunot ang noo ni Atasha. Samantalang si Zack ay blangko ang tingin habang nakatingin sa pagkain. 

"Guys, this is Sky. Bet you already know her," pakilala ni Seth sa akin. 

Ngiting nahihiya ang ginawa ko at bahagyang yumuko upang mas effective. 

"Why's she here?" masungit na tanong ni Atasha at pinag taasan ako ng kilay. 

"Tash," inis na pigil agad ni Seth. 

"Why? Nagtatanong lang ako," sarcastic na sabi pa nya. 

"She's my friend," simpleng sabi ni Seth. 

Pabalik-balik lang ang tingin ko sa dalawa habang nagpapalitan sila ng salita. 

Sarcastic na tumawa si Atasha. 

"Really?" she mocked. 

"Hindi ibig sabihin na kaibigan ka na ni Seth ay kaibigan mo na rin kami." Nang uuyam na ngumisi si Zack at tinitigan ako. 

Napalunok ako sa binitiwan nyang salita, kinilabutan ako sa paraan ng paninitig nya pati sa boses nya. Napakurap kurap ako dahil potek! Kinausap nya ako kahit pa nakaka inis ang sinabi nya. 

"O-oo naman." Bahagya akong natawa. 

"Guys don't be too hard to Sky," inis na sabi ni Seth. 

"Sinasabi lang ni Zack kung hanggang saan lang sya." Umirap si Atasha. 

"Alam ko naman," mahinang boses na sabi ko saka ngumiti. 

Kung pwede lang manaksak ngayon gamit ang tinidor, malamang kanina pa nakahandusay 'tong si Atasha. 

Tahimik akong kumain habang naghihintay ng kung anong pag-uusapan nila. Tinagalan ko pa nga para lang makasagap ng kahit katiting na impormasyon ngunit wala. Tungkol lang sa nangyari kagabi ang pinag-usapan nila at sa school. 

"You done?" Nabaling sa akin ang atensyon nila nang tanungin ako ni Seth. 

"Oo," simpleng sabi ko. 

"Can I ask you a question Seth?" si Zack. Mariin ang titig nya sa akin pero kay Seth naman ang tanong. 

Ano kaya ang iniisip nito sa akin? Nakakahalata na ba sya? Sana hindi dahil mabubulilyaso lahat ng plano namin ni Alfredo. 

"Bakit sya ang kina-ibigan mo?" Hindi ko alam kung nang iinis ba sya o nang iinsulto eh. Kung may duda ba sya sa akin o ano. 

"I like her," walang pag-aalinlangang sagot ni Seth. 

Napatingin kaming lahat sa kanya. Even Zack, his eyes widened. 

"What did you just say?" tanong ni Zack sa mariin na tono. Parang ako lang nga ang nakapansin non. 

"I mean, I like her as a friend. She's fun to be with and hindi sya mahirap pakisamahan," sagot nya pa. 

Pero kahit ganon ay hindi pa rin kumakalma ang pagmumuka ni Zack. His eyes are still cold at mariin pa rin ang titig nya, hindi natitinag. 

Ngayon ko lang napansin ang itim na piercing sa kaliwang tenga nya. It suits him dahil mas lalo syang gumwapo– okay erase I didn't say that. 

"Do you trust her? Baka naman iba ang pakay sa 'yo nyan," banta ni Atasha sa mismong harap ko pa talaga. 

Tama ka Atasha, iba nga ang plano ko. Pero 'wag kang mag alala dahil hindi kayo madadamay sa gagawin ko. Sisiguraduhin kong si Zack lang kaya 'wag na 'wag kang eepal dahil 'pag ako nainis sa 'yo, itutupi kita sa walo. 

Bumaling ang tingin sa akin ni Zack. Kumunot ang kanyang noo, ngayon ko lang napansin na kanina pa pala ako nakatitig sa kanya. Agad kong binaling ang tingin kay Seth nang mapansin na ngumisi si Zack. 

Naghuramentado ang puso ko dahil doon. Sorry naman. 'Di ko namalayan eh. Malay ko bang nakatitig pala ako sa kanya. 

"Ano bang klaseng tanong 'yan Tash?" natatawang sabi ni Seth. Hindi nya tinanggap ng seryoso ang tinanong ni Atasha. 

"Syempre we're worried, baka mamaya saksakin ka na lang nyan bigla or 'pag nakatalikod ka ay may balak nang gawing masama," dagdag pa ni Atasha. 

"You're overthinking." Umiling si Seth at tinitigan si Atasha nang hindi makapaniwala. 

"Atasha's right Seth," biglang sabi ni Zack. Walang pagdadalawang isip na sinang ayunan ang sinabi ni Atasha. 

Kumulo ang dugo ko dahil sa sinabi nya at kinuyom ang kamao sa ibabaw ng hita ko. Nanatiling maayos at maaliwalas ang muka ko kahit na ganoon ang nararamdaman ko. 

"Hindi ako masamang tao kung 'yan ang iniisip nyo," sabad ko. 

In fact kung may masamang tao man sa ating apat ay ikaw 'yun Zack. Kayo ng Lolo mo! 

"I'm sorry," hingi agad ng paumanhin ni Seth. Pilit akong ngumiti at sinagot sya. 

"Okay lang."

"Then prove it," hamon ni Zack saka naglalarong ngumisi. 

Matapang ko syang tinitigan.

"How can I prove it?" desperada kong tanong. 

"Leave Seth alone." Muling sumilay ang ngisi sa labi nya. 

'Wag kang ngingisi ngisi dyan putek ka! Hindi na ako natutuwa sa pagmumuka mo bwisit ka. Si Seth na nga lang ang tangi kong daan para lang mapalapit sa 'yo tapos ngayon inuutusan mo pa akong iwan sya? Bakit ko susundin hamon mo? Ano ka gold? 

"Sobra naman yata 'yan Zack," Seth stared Zack blankly. 

Hindi ito pinansin ni Zack. 

"And if I don't?" hamon kong tanong. 

"Hindi ka namin pagkakatiwalaan," si Atasha ang sumagot. 

"Okay." Nagkibit ako ng balikat. Sumilay ang ngiti sa labi ni Zack. Ipinaparating nitong nanalo sya. "I won't do that," dagdag ko. 

Lumapad ang ngiti sa labi ni Seth. Kanina kasi ay nakasimangot sya sa unang sinabi ko at gustong umangal. 

Nawala naman ang mapaglarong ngisi sa labi ni Zack. Salubong ang makakapal nyang kilay nang titigan ako. Hindi makapaniwala sa isinagot ko. 

"Maiwan ko na kayo." Tumayo na ako at naghanda sa pag-alis. Muka rin namang wala akong mapapala kung kakausapin ko pa sila sa mga walang kwentang bagay.

Ang gusto ko ay impormasyon. 

"Hatid na kita." Tumayo na rin si Seth. 

Sabay kaming lumabas mula sa cafeteria. Hingi sya ng hingi ng pasensya sa inasal ng dalawa nyang kaibigan. 

"Okay lang talaga."

"Mabait naman sila, nabigla lang siguro," sabi pa nya. Pampalubag loob siguro. 

Saan nabigla? Dahil ba ngayon lang ulit may nadagdag na kaibigan nila? O talagang mabilis ang galaw ko kaya nagdududa sila? Hindi ba ganon naman talaga? Kahit nga first day of school may pagkakaibigan nang nabubuo. 

"Punta tayong mall mamaya, date tayo." Narinig kong bulong ni Atasha kay Zack. 

Nag uumpisa na ang klase namin pero panay pa rin ang lampungan ng dalawa kong katabi. Nakakairita. 

"Date amputa." Bulong ko sa sarili. 

"May sinasabi ka?" Bumaling ang tingin sa akin ni Atasha. 

"Wala," plastic akong ngumiti. 

She rolled her eyes. 

Hanggang sa matapos ang klase ay ang sama ng timpla ng muka ko. Iniligpit ko na ang mga gamit ko at naghanda na sa pag alis. Kailangan kong malaman kung saang mall pupunta ang dalawa. 

"Sky." Lumingon ako sa pinanggalingan ng boses. Sila Jamie. 

"Pinapatawag ka ni Seth, punta ka na lang daw sa lumang room doon sa A building." 

Natawa ako sa loob ko. Kahit hindi kapani-paniwala ang sinasabi nila ay magiging uto-uto ako. Halata naman na hindi maganda ang gagawin nila. 

"Sige, pupunta ako." 

Nag-ngiting demonyo ang tatlo at naglakad na palabas. 

Dumiretso ako sa building na sinasabi nila. Humakbang ako papasok sa loob. Marahas na sumarado ang pinto nang tuluyan akong makapasok. Rinig ko ang hagikgikan nila Jamie sa labas.