CHAPTER 90

“MAGANDANG tanghali po,” narinig nina Thalia na may tao sa may labas ng kanilang bahay. Hindi naman sila pamilyar sa boses na iyon. Bigla tuloy ulit nakaramdam ng takot si Thalia dahil paano kung kasabwat naman ito ni Ronaldo.

Napabuntong-hininga naman si lolo Gibo na tumayo sa kinauupuan at tinungo ang pintuan upang pagbuksan ang nasa labas. Hindi na siya nagulat, inaasahan niya na pagkatapos ni Ronaldo ay ang mga ito naman ang susunod lalo na at nalaman nila mismo sa kanya na asawa ng anak niya si Carolina ang babaeng nasa bahay ni Manang Linda.

“Pasok kayo,” mahinahong sabi naman niya sa mga bisita. Naiisip na agad niya kung ano ang pakay nito sa kaniya, sa kanila.

“Oi Daniel, anong ginagawa niyo dito?” nakangiting bati naman ni Thalia sa mga dumating na bisita, ang mag-amang Daniel at Antonio.

Nailang naman si Thalia sa titig sa kanya ng ama ni Daniel. Hindi naman ito yung malaswang titig pero yung mga mata nito nagpapakita ng lungkot at saka longingness. Tiningnan pa niya kun