Chapter 7: Residual Feelings

“DON'T MIND WHAT you saw, okay? It's… it's nothing. Let's go, Quentin needs us…”

“Daddy, are you kissing mommy? Does that mean you're back together?” inosenteng turan ni Leander.

Mabilis na umiling si Rogue samantalang si Vivienne ay nakatayo habang nakatanaw sa kaniyang anak na takang-taka pa rin hanggang ngayon.

“No, baby, we're not back together. Come on, let's go,” aya ni Rogue sa anak.

Tumango si Leander kaya tumayo na si Rogue sa pagkakaupo mula sa harap ng anak at binuhat ito. Sandali niyang sinulyapan si Vivienne bago naglakad patungo sa silid kung nasaan si Quentin.

“Good night, mommy,” pahabol pa ni Leander.

Nakangiting kinawayan ni Vivienne ang anak bago sapo ang dibdib na pumasok sa silid nilang mag-asawa. Ngayon lang niya naproseso ang ginawa ni Rogue sa kaniya. He kissed her without her permission, and Vivienne felt as if Rogue's lips were glued on hers.

Anong sa tingin nito ang ginagawa nito? Divorce na silang dalawa, at may asawa na rin siya. Anong pumasok sa utak ni Rogue para halikan siya? Tapos nasaksihan pa ng anak nila ang ginawa nito.

Sunod-sunod na nagpakawala ng hangin sa bibig si Vivienne bago ibinagsak ang sarili sa kama. Mukhang hindi na talaga dadating si Kairos kaya magpapahinga na lang siya. Ipinikit niya ang kaniyang mga mata at hinayaang lamunin siya ng kadiliman.

At nang sumapit ang kinabukasan, napabalikwas na lang si Vivienne nang maramdaman niyang bahagyang tumatalbog ang katawan niya. At napailing na lang siya nang makita sina Leander at Thalia na tumatalon sa kama.

“Good morning, mommy,” masiglang bati sa kaniya ni Leander bago ito lumapit sa kaniya at siniil siya ng halik sa kaniyang pisngi.

“Morning, mommy,” bati naman ni Thalia at ginawa rin nito ang ginawa ni Leander—lumapit ito sa kaniya at hinalikan siya sa kaniyang pisngi.

“Good morning din sa inyong dalawa,” pabalik na bati ni Vivienne sa mga anak bago sumulyap sa bintana at bumakas ang pagkadismaya sa mukha niya nang makitang patuloy pa rin ang pag-ulan.

“Mommy, ready na po ang breakfast. Manang Nora made us sopas for the cold weather,” sambit ni Leander.

Nakangiting tumango si Vivienne. “Maghihilamos lang ako tapos susunod na rin ako, okay?”

“Okay, mommy!” sabay na sambit ng dalawa at muli siyang siniil ng halik bago tumalon sa kama at tumakbo palabas.

“Careful, baka madapa kayo,” paalala niya sa mga anak bago umupo sa kama.

Bumuntong-hininga muna si Vivienne bago nagtungo sa banyo at naghilamos. Nang matapos, tiningnan niya kung may signal na ba pero napailing na lang siya nang makitang wala pa rin.

Bumaba na lang siya at nagtungo sa dining room at mula roon ay nakita niyang kumakain na sila. Nandoon sina Benjamin, Rogue, at Quentin na sinusubuan pa ng daddy nito.

“How's Quentin?” tanong niya kay Rogue nang makaupo sa tabi ni Thalia.

Si Rogue ang tinanong niya dahil alam niyang hindi siya sasagutin ng anak niya.

“Medyo bumaba na ang lagnat niya. Thanks to you, Vivienne.”

Tumango si Vivienne. “After niyang kumain, kailangan niya ulit uminom ng gamot.”

“I'll take care of that,” usal ni Rogue.

Muling tumango si Vivienne at hindi na sinagot si Rogue. Nang hahinan siya ni Manang Nora ng sopas, nagsimula na rin siyang kumain.

“Sinilip ko iyong baha, hindi pa rin humuhupa. Baka magtagal pa tayo rito, Sir. Rogue,” mayamaya pa'y anas ni Benjamin.

“We can't stay here for long, Benjamin. Have you contacted Augustus? Can he fly the helicopter here?”

Umiling si Benjamin. “Kagabi pang walang signal, Sir. Rogue, kaya hindi ko makontak si Sir. Augustus. At isa pa, imposible rin na mapalipad niya ang helicopter sa ere. Malakas ang ihip ng hangin, baka magkaroon lang ng malfunction.”

“Daddy, can't we stay here for long? Gusto ko pa pong makasama si mommy. Hindi ka po ba masaya na nandito po tayo? I thought you're happy because you kissed mommy last night.”

Lahat sila ay napamulagat dahil sa sinabi ni Leander. Bumakas ang gulat sa mga mukha nila ng sandaling iyon lalo na si Quentin. Wala ito sa mood dahil patuloy pa rin nitong dinadamdam ang sakit nito pero dahil sa sinabi ng kambal nito, animo'y bumalik ang sigla niya.

“Daddy kissed her?” gulat na tanong ni Quentin.

Nakangiting tumango si Leander. “Oo, Quentin. I saw them last nig—”

“What did I tell you, Leander? I told you to not mind what you saw. Wala lang iyon!” bulalas ni Rogue habang nakatingin kay Leander.

“You kissed my mommy?” inosenteng tanong ni Thalia bago bumaling sa kaniya. “Mommy, why did you let him kiss you? What if daddy finds out?” anito pa.

“Baby, we did not kiss. Namamalikmata lang siguro si Leander dahil kakagising lang niya. His eyes weren't clear last night. Hindi pa nag-a-adjust iyon kaya kung ano-ano na lang ang nakita niya…” salaysay ni Vivienne kay Thalia.

“She's right,” sang-ayon ni Rogue. “Kung ano man ang sinabi ni Leander, wala iyon. Nag-uusap lang kami, that's it.”

“But I saw y—fine, I was wrong. I'm sorry.” At yumuko si Leander.

“Baby, I'm not mad at you, okay? But next time, don't tell such things in front of people.” Hinagod ni Rogue ang likod ni Leander bago ito hinalikan sa tuktok ng ulo nito. “Let's continue eating. Baka lumamig pa itong sabaw,” dagdag niya pa.

Tumango na sila habang si Vivienne naman ay nakamasid lang sa mga mata ni Rogue. At nang tumingin ito sa kaniya, mabilis pa sa alas-kuwatro na naglayo ng tingin si Vivienne rito.

Matapos mag-umagahan, nagkaniya-kaniya na sila. Sina Leander at Thalia ay nasa living room at naglalaro habang kasama si Benjamin. Sina Rogue at Quentin naman ay bumalik sa ikalawang palapag samantalang si Vivienne ay nasa kuwarto nila ni Kairos—nasa harap na naman siya ng bintana habang sinusubukan pa ring makasagap ng signal upang matawagan ang asawa niya.

At habang abala si Vivienne sa ginagawa, bigla niyang narinig na bumukas ang pinto. Hinarap iyon ni Vivienne at napakunot-noo siya nang makita si Quentin.

“You're supposed to stay in the room and rest, Quentin. What are you doing here? Why did your father let you leav—”

“He's in the bathroom,” kalmadong sambit ni Quentin bago ito naglakad palapit sa kaniya.

“Then why are you here? Kailangan mong magpahinga, Quentin. Hindi pa maganda ang kalagayan mo ngayon. May lagnat ka pa, at baka lumala iyan kung galaw ka nang gala—”

“Do you still love daddy?” tanong ni Quentin na nagpatutop sa mga labi niya.