Chapter 77

“Stop laughing, Ali! I need an advice!” frustrated pa rin na saad ni Henry.

“Hindi ko mapigilan, Henry. I mean, halata naman kasi na gustong gusto mo siya. Hindi naman ganyan ang magiging reaksiyon mo kung hindi!” sagot ko.

“But what am I going to do?” mahinang tanong niya.

“Henry, hindi mo dapat tinatanong ’yan sa ibang tao. Ikaw mismo dapat ay alam mo kung ano ang dapat mong gawin. Ikaw lang naman kasi ang totoong nakakaalam ng nararamdaman mo para sa kanya, eh,” paliwanag ko.

Saglit siyang natahimik na para bang iniisip ang sinabi ko. Tapos ay napangiti siya at marahang tumango.

“Alright, kung ayaw niya akong maging boyfriend, edi hindi,” aniya kaya napangiwi ako. “Sa ngayon,” dagdag pa niya. “I think what I need to do right now is to court her. We’ll give ourselves enough time to know each other more.”

Napangiti ako at mabilis na tumango. “Exactly! Hindi naman kasi dapat minamadali ang mga bagay.”